Пасьля Гран Пры (камэнтары)

Флавіa Брыаторы: “Гэта перамога прыйшла да нас занадта лёгка, я зь цяжкасьцю ўгаворваў Фернанду хаця б трошкі скінуць хуткасьць, каб зьберагчы рухавік і накрыўкі”.

Флавіa Брыаторы: “Гэта перамога прыйшла да нас занадта лёгка, я зь цяжкасьцю ўгаворваў Фернанду хаця б трошкі скінуць хуткасьць, каб зьберагчы рухавік і накрыўкі”. Але ж Флавіа зазначыў, што ў сэзоне 19 Гран Пры й усё змаганьне наперадзе.

Фернанда Алонса (1 месца): “Гэта фантастыка! Машына здавалася ідэальнай і сёньня мы яшчэ раз упэўніліся ў тым, што яна вельмі добра паводзіць сябе на дыстанцыі. На першых колах я змагаўся зь Міхаэлем, які быў вельмі хуткі, потым зь Ярна, а пасьля першага піт-стопа заставалася толькі падтрымліваць камфортны адрыў”.

Ярна Трулі (2 месца): “Два подыумы запар – гэта проста файна. На жаль мы пакуль няздольны змагацца з Рэно, але й гэта ня самы дрэны рэзультат.”.

Ральф Шумахер дадаў, што каманда правяла яшчэ адну цудоўную гонку й ён віншуе свайго партнёра. Ён лічыць, што дрэнная кваліфікацыя не дала яму магчымасьці выступіць лепей у гонкі.

Рон Дэніс (Макларэн) спадзяецца, што за тры тыдні ягоная каманда зможа зрабіць вялікі крок наперад і што трэцяе і пятае месцы зусім не мяжа, на якой трэба спыняцца.

Сэм Майкл (Ўільямс) зазначыў, што пасьля кваліфікацыі чакаў значна больш, але рухавік на машыне Хайфельда не вытрымаў другой сьпякотнай гонкі, а Ўэбер быў толькі шостым…

Упершыню Пітэр Заўбэр сказаў, што Жак Вільнёў не вінаваты ў сваім ня вельмі добрым выступе (у Жака ўрэзаўся Кулхард). Фэліпэ Маса (7 месца) зазначыў, што ён задаволены тым, што здолеў набраць поінты ў 200-ым для Заўбера Гран Пры.

Міхаэль Шумахер працягвае рабіць аптымістычныя прагнозы, ня гледзячы ні на што. Жан Тод разам з Рубенсам кажуць, што першыя тры Гран Пры варта забыць і працягваць працаваць. Шумахер распавёў, што каманда сабрала шмат цікавага матэрыялу аб новай машыне, і што гэта не было памылкай выставіць яе ўжо на трэцім Гран Пры.

Пол Стодарт распавёў пасьля Гран Пры, што новы балід Мінардзі выйдзе на трасу менавіта ў Імоле, і што ён спадзяецца на ягоную канкурэнтаздольнасьць.

Будзем назіраць за падзеямі ў камандах на працягу гэтых трох тыдняў, што аддзяляюць нас ад першага эўрапейскага Гран Пры – Імолы.

3.4.2005   ▪ Briatore   ▪ shuver