Фэрары рыхтуе рэванш? Канкурэнты ня сьпяць…

Жан Тод: “Мы павіны вырашаць праблемы з надзейнасьцю, разам з Bridgestone вырашыць праблему эфэктыўнасьці накрывак і тэрмінова пачаць зарабляць пойнты. Калі ў Імоле мы распачнём сэрыю перамог, кшталту мінулагодняй, тады можна будзе забыць жах першых трох Гран Пры”.

Жан Тод: “Мы павіны вырашаць праблемы з надзейнасьцю, разам з Bridgestone вырашыць праблему эфэктыўнасьці накрывак і тэрмінова пачаць зарабляць пойнты. Калі ў Імоле мы распачнём сэрыю перамог, кшталту мінулагодняй, тады можна будзе забыць жах першых трох Гран Пры”.
Па-першае трэба зазначыць, што спартыўны дырэктар Фэрары Жан Тод прызнаўся, што прычынай праблемаў з гідраўлікай на новым F2005 Міхаэля Шумахера быў ня новы вузел, а гідраўлічны насос – такі ж самы, як і на мінулагоднім Фэрары.
У той жа самы час Рос Браўн, тэхнічны дырэктар, нагадвае аб тым, што Ферары распрацавала зусім новую скрыню перадач і з упэўненасьцю кажа, што гэты крок быў правільным і вельмі дапаможа камандзе.
Рос Браўн: “Мінулым летам мы аб’явілі аб спыненьні працы па мадэрнізацыі F2004, каб цалкам сканцэнтравацца на F2005. Ужо тады ў Ферары разумелі, што задні дыфузар грае велізарную ролю ў эфэктыўнасьці баліду пры новым рэглямэнце, а гэта менавіта вобласьць скрыні перадач, для якой самым галоўным зьяўляецца інтэграцыя з рухавіком. Мы вырашалі цалкам перапраектаваць гэты вузел і мне здаецца зрабілі гэта пасьпяхова. Перавагі нашай скрыні перадач будуць бачныя ўжо праз некалькі Гран Пры”.
Тым часам не адна Ферары думае аб будучыні. Усе каманды вярнуліся ў Эўропу й інтэнсіўна працуюць.
Рэно запрасіла на тэсты абодвух асноўных пілётаў. У Барсэлёне каманда плянуе працаваць над новымі элемэнтамі аэрадынамікі, мадыфікаванай вэрсіяй рухавіка і накрыўкамі пад эўрапейскія халодныя трасы. З навінкамі Заўбер будуць працаваць Вільнёў і Маса. Таёта(дарэчы, як і Ферары) сабрала ўсіх сваіх пілётаў, асноўных і тэстэраў. У Бар будуць разьбірацца зь недахопам прыціскной моцы, Чырвоныя Быкі паспрабуюць мадыфікаваную вэрсію рухавіка. У сераду тэсты Маклярэн распачнуць Аляксандр Вурц і Педра дэ ля Роза, пазьней да іх далучыцца Кімі. Мінардзі рыхтуецца да прэзэнтацыі сваёй новай машыны. Аб плянах Джордан нічога невядома, падобна на тое, што каманда пайшла ў падпольле.

5.4.2005   ▪ shuver