Гран Пры Гішпаніі. Пераканаўчая перамога Кімі Райканэна

Фінскі пілот каманды McLaren Кімі Райканэн упэўнена выйграў Гран Пры Гішпаніі. Ён быў лідэрам напрацягу ўсяе гонкі, ад старту да фінішу, і нашмат апярэдзіў гішпанца Фэрнанда Алёнса на Рэно.
Немцу Міхаэлю Шумахеру не ўдалося даехаць да фінішу з-за праблемаў з колам.

Фінскі пілот каманды McLaren Кімі Райканэн упэўнена выйграў Гран Пры Гішпаніі. Ён быў лідэрам напрацягу ўсяе гонкі, ад старту да фінішу, і нашмат апярэдзіў гішпанца Фэрнанда Алёнса на Рэно.
Немцу Міхаэлю Шумахеру не ўдалося даехаць да фінішу з-за праблемаў з колам.

Адразу два баліды не зусім пасьпяховае каманды Minardi заглыхлі напачатку гонкі. Гледачы ўбачылі машыну бясьпекі, якая ўзначаліла пэлетон на два колы ў той час, калі маршалы таўкалі два баліды да піт-лейну. Minardi ўдалося вярнуцца на трасу, але фінішаваць так і не ўдалося.
Марк Ўэбэр праваліў старт гонкі, прапусьціўшы наперад Алёнса і Ральфа Шумахера.
Пасьля сыходу машыны бясьпекі Кімі Райканэн імгненна пачаў адрывацца ад Фэрнанда Алёнса, штампуючы лепшыя колы, і да першага піт-стопу меў неблагі запас часу, што дало фіну магчымасьць не згубіць лідэрства пасьля боксаў.
Больш позьні піт-стоп дазволіў Джанкарла Фізыкела стаць другім пасьля першай хвалі дазаправак, але заезд у боксы для замены пярэдняга антыкрыла на 40-м коле адкаціў другога пілота Рэно на 11-е мейсца. Нашчасьце, добрая машына дапамагла Джанкарла Фізыкела на апошніх колах вырваць пятую прыступку ў Марка Ўэбэра.
Міхаэль Шумахер выехаў на трасу пасьля піт-стопу чацьвертым і, мабыць, меў бы шанцы на подыум, але ў немца лопнула кола і той заехаў у боксы для яго замены. Потым аналягічная праблема прымусіла пілота Фэрары сысьці з трасы.
А тым часам Кімі Райканэн імчаўся да сваёй перамогі і ўпэўна яе здабыў.

Ці паспрачаецца ён з Фэрнанда Алёнса за чэмпіёнства ў агульным заліку? Зараз у фіна 17 пойнтаў, а ў гішпанца - 44, але наперадзе вельмі шмат гонак.

Паз.	Пілот	Каманда	Час	Пойнты
1	К. Райканэн	McLaren	1:27:16.830	10
2	Ф. Алёнса	Renault	+ 27.652	8
3	Я. Трулі	Toyota	+ 45.947	6
4	Р. Шумахер	Toyota	+ 46.719	5
5	Дж. Фізыкела	Renault	+ 57.936	4
6	М. Ўэбэр	Williams	+ 1:08.542	3
7	Х-П. Мантоя	McLaren	+ 1 кола	2
8	Д. Култхард	Red Bull	+ 1 кола	1
9	Р. Барыкела	Ferrari	+ 1 кола	0
10	Н. Хайдфэльд	Williams	+ 1 кола	0
11	Ф. Маса	Sauber	+ 3 колы	0
12	Т. Мантэйра	Jordan	+ 3 колы	0
13	Н. Карцікеян	Jordan	+ 3 колы	0
Не фінішавалі
14	Ж. Вільнёў	Sauber	+ 15 колаў	0
15	М. Шумахер	Ferrari	+ 20 колаў	0
16	Х. Альбэрс	Minardi	+ 46 колаў	0
17	П. Фрызахер	Minardi	+ 54 колы	0
18	В. Ліуцы	Red Bull	+ 56 колаў	0

8.5.2005   ▪ lodar