Гран Пры Гішпаніі: Пасьля гонкі

Прапануем Вашай увазе каментары пераможцаў пасьля Гран Пры.

McLaren

Рон Дэніс: ”Я думаю , што мы зодлеем утрымаць гэты імпульс і выйграем яшчэ не адну гонку ў гэтым сэзоне. У Барсэлоне мы паспрабавалі новую мадыфікацыю рухавіка і дапрацавалі аэрадынаміку. Я лічу гэта запрацаваная перамога, а яшчэ больш мне падабаецца тое, як мы зарабілі гэтую перамогу”.
Кімі Райканэн(1 месца) зазначыў, што перамога дасталася досыць лёгка, але раслабіцца ён здолеў толькі пасьля таго, як убачыў лінію фінішу, бо паводзіны рухавіка яго трохі насьцярожвалі.
Х-П. Мантоя наракаў на недахоп паварочваемасьці, які й перашкодзіў яму ўзьняцца вышэй за 7 месца.

Renault

Фэрнанда Алёнса(2 месца): «Другое месца на хатняй трасе амаль што перамога, гэтыя восем пойнтаў вельмі дапамогуць камандзе. Пяць гонак – пяць подыюмаў – я пра такое й не марыў, я лічу: мы здолеем працягваць у тым жа духу”.

Джанкарла Фізыкела (5 месца): “У мяне зьмешаныя пачуцьці: калі б не праблемы зь пярэднім антыкрылом я мог знаходзіцца на другім месцы, але ж усё адно на сваёй любімай трасе ў Манака я буду стартаваць адным з апошніх у кваліфікацыі”.

Toyota

Ярна Трулі (3 месца): “Гэта лепшая гонка ў маёй кар’еры, праблемы з машынай пачаліся ад самага пачатку – я змагаўся зь імі ўсю гонку, з поўнымі бакамі я быў хутчэй за Ральфа, а з пустымі ён… Пэўна гэта была ягоная перамога, але лёс склаўся так… “.

Ральф Шумахер: “Ніякіх праблемаў у гонцы ў мяне не было, на жаль я ўпусьціў Ярна на першым піт-стопе, але на дваіх мы зарабілі 11 пойнтаў – неблагі рэзультат “.

10.5.2005   ▪ shuver