Стала вядомае рашэньне Нарады FIA - каманды прызнаны вінаватымі па двух пунктах абвінавачваньня за тое, што адбылося ў Індыянапалісе, але пакуль ня будуць пакараны. Канчатковае рашаньне будзе прынятае толькі 14 веасьня з улікам таго, што каманды зробяць дзеля мінімізацыі вынікаў скандалу з накрыўкамі на ГП ЗША.

Пол Стодарт выказаў меркаваньне ўсіх каманд-спажыўцоў Michlen напярэдадні Гран Пры Францыі:“Калі падзеі будуць разьвівацца па самым горшын сцэнары, тады каманды могуць адмовіцца ад удзелу ў ГП Францыі. Кажуць, што фэдэрацыя можа аштрафаваць каманды на 2,5 мільёна даляраў ці выключыць з чэмпіянату, так што ўся справа ў памеры пакараньня. Калі ў FIA захочуць большага, чым простае папярэджаньне, тады ў каманд будзе выбар, бо былі ахвярамі ня менш за арганізатараў ці гледачоў. Мы гатовыя да судзебных працэсаў, але давайце дачакаемся рашэньне FIA, я спадзяюся, што розум возьме верх над пачуцьцямі Макса Мослі”

Сёньня ў Барсэлоне Jordan упершыню паспрабуе сваю новую машыну - EJ15В, за стырно павіны былі сесьці Цьяга Мантэйра й Наран Карцікян, каманда разьлічвае выставіць навінку ўжо на Грн Пры Францыі, але гэтыя тэсты сёньня не адбыліся з-за таго, што каманда не атрымала нейкую важную дэталь. Тэсты перанесены на пятніцу.
Вось што сказаў дырэктар Jordan Эдрыян Бэрджэс: “Да сканчэньня гэтых тэстаў складана меркаваць аб патэнцыяле новай машыны, але мы пастараліся вырашыць тыя праблемы, якія наогул мажліва было вырашыць без будаўніцтва новага шасі. У сутнасьці гэта проста дапрацаваная версыя машыны, што праехала першыя дзевяць ГП гэтага сэзону, але мы дадалі ў прыціскной моцы й разьлічваем на барацьбу зь Мінардзі, а можа нават з Рэд Бул і Заўбэр”.

Гэта ўсё ж такі здаралася… BMW набывае Заўбэр, заява аб гэтым была зроблена на сёньняшняй прэс-канфэрэнцыі ў Мюнхене. У наступным сэзоне Заўбэр зьменіць назву, немцы будуць выступаць пад уласным брэндам і зьбіраюцца цалкам прысьвяціць сябе заводзкай камандзе. BMW не адмаўляецца ад пастаўкі рухавікоў Вільямс, але перамовы яшчэ ня скончаны.

Выйсьце было: будаўніцтва шыканы ў 12-м павароце, 9 каманд з 10 далі згоду, акрамя … ну зразумела акрамя Ферары… Таму Мішлен не дазволіла ўдзелу сваіх каманд у гэтым ГП… З-за незаўжды зразумелай простым гледачам (якія апынуліся ў найбольшым проігрышы) палітыкі Гран Пры ЗША ператварылі ў фарс… Зразумела, што спорт гэта спорт, і кожны сам павіны змагацца зь ягонымі праблемамі, але ж нейкае пачуцьцё салідарнасьці не павіна зацяняцца ўласным эгаізмам…

Гонка Гран Пры ЗША ўжо пачалася, але на трасе толькі шэсьць драйвэраў. Яны з камандаў Фэрары, Джордан і Мінардзі. Усе каманды з накрыўкамі ад Michelin былі зьнятыя за 10 хвілінаў да старта. Гледачы з абурэньнем пакідаюць трыбуны, кідаючы на трасу пад колы балідаў пустыя банкі. Мабыць, яны не жадаюць назіраць за такой “захапляльнай” гонкай…

Да гонкі засталося ўсяго некалькі гадзінаў, а дагэтуль невядома, ці адбудзецца яна…
Нагадаю, што ўся праблема з-за накрывак Мішлен, і не вядомы, ці дазволіць кіраўніцтва францускай кампаніі ўдзел сваіх камандаў у гонцы. Каманды канешне могуць узяць на сябе ўсю адказнасьць за здароўе пілотаў, але пасьля таго, што адбылося з Ральфам Шумахерам(з-за лопнутай накрыўкі немец разьбіў самаход), рызыкаваць ніхто ня хоча… Ёсьць прапанова дазволіць спажыўцам Мішлену парушыць рэглямэнт і замяніць накрыўкі, але патрэбны дазвол кліентаў Брыджстоуну, якія наўрадці згадзяцца даваць перавагу супернікам. Прапануецца некалькі выйсьцяў: 1)каманды бяруць на сябе адказнасьць за лёс сваіх пілотаў( хто хоча здымае сваю каманду, хто хоча дадае ціску ў накрыўкі й едзе), 2) дазволіць камандам памяняць накрыўкі, але пакараць альтэрнатыўнымі штрафамі, кшталту старт зь піт-лэйну ці мінус дзясяць пазыцый на старце.

Праблема накрывак падрыхтаваных да ГП ЗША скаладаецца з недахопу ціску, самалёт з накрыўкамі Мішлен да ГП Барсэлоны ўжо выляцеў, але пакуль шта няма ні дазволу, ні веданьня таго, як гэтыя накрыўкі будуць паводзіць сябе ў Амэрыцы…

Табліца вынікаў

Прапануем Вашай увазе прапановы FIA на зьмены ў рэглямэнце на 2008 год.

Дж. Батан, М. Шумахер, Ф. Алёнса…
Вынікі цалкам…

Каманда Red Bull Racing, якая нядрэна паказала сябе ў гэтым сэзоне, рапартуе аб новых посьпехах на тэхнічным фронце. Пачынаючы з ГП ЗША на ейных машынах будуцт усталяваны новыя больш магутныя рухавікі Cosworth (плянуецца прыбаўка - 30 л.с., што прыладна каля 0,3 сэкунд з кола), а ў Францыі й Вялікабрытаніі зьявяцца новыя элэмэнты аэрадынамікі,

Паралельна каманда працуе над машынай будучага году. Ферары ўжо перадала ёй асаблівасьці сваіх рухавікоў, якімі будуць укамплектаваны баліды ў 2006 годзе.