Рашэньне Нарады FIA і адказ каманд.

Стала вядомае рашэньне Нарады FIA - каманды прызнаны вінаватымі па двух пунктах абвінавачваньня за тое, што адбылося ў Індыянапалісе, але пакуль ня будуць пакараны. Канчатковае рашаньне будзе прынятае толькі 14 веасьня з улікам таго, што каманды зробяць дзеля мінімізацыі вынікаў скандалу з накрыўкамі на ГП ЗША.

Стала вядомае рашэньне Нарады FIA - каманды прызнаны вінаватымі па двух пунктах абвінавачваньня за тое, што адбылося ў Індыянапалісе, але пакуль ня будуць пакараны. Канчатковае рашаньне будзе прынятае толькі 14 веасьня з улікам таго, што каманды зробяць дзеля мінімізацыі вынікаў скандалу з накрыўкамі на ГП ЗША.

Пацьверджаны два пункты абвінавачваньня зь пяці - адсутнасьць рэзэрвовага камплекту накрывак і адмова ад ўдзелу ў гонцы, астатнія абвінавачваньні - адмова ад абмяжаваньня хуткасьці ў шыкане, змова наконт заезду ў боксы пасьля прагравальнага кола й непаведамленьне сцюардам аб сваім рашэньне, з каманд зьнятыя.

Пакараць Мішлен фэдэрацыя ня можа - кампанія ня лічыцца ўдзельнікам чэмпіянату, яны толькі афіцыйны вытворцы накрывак.

Таксама Макс Мослі дадаў, што з накрыўкамі Мішлен яшчэ варта разабрацца, бо ёсьць пэўныя сьведчаньні таго, што праблемы з бакавінамі ўзьніклі ня першы раз. Існуе нават мажлівасьць зьняцьця Мішлену, як вытворцу з чэмпіянату, калі гэта падцьвердзіцца. Будзе праводзіцца афіцыйнае расьсьледваньне.

Вось што было сказана на гэта ў афіцыйным адказе каманд-спажыўцоў Мішлен: “Мы вельмі расчараваныя рашэньнем Нарады й будзем дамагацца зьняцьця ўсіх абвінавачваньняў.

1. Нас абвінавацілі ў тым, што мы ня здолелі гарантаваць наяўнасьць патрэбных накрывак, але ў гэтым пытаньні цалкам залежаць ад Мішлен - гэта афіцыйны пастаўнік гумы, якога зацьвердзіла FIA і вытворца, чый аўтарытэт прызнаны ва ўсім сьвеце. У Мішлен узялі на сябе адказнасьць за дасутнасьць падыходзячай гумы, пры гэтым у рашэньне Нарады гаворыцца пра тое, што “ў каманд рэальна былі сур`ёзныя абставіны, якія памякчаюць віну”. Усё гэта кажа пра тое, што каманды ня могуць несьці адказнасьць за тое, што адбылося.

2. Нас абвінавацілі ў неправамернай адмове ад удзелу ў Гран Пры, нягледзячы на магчымасьць праезду праз боксы на кожным коле дзеля выключэньня бэнкінга ці абмяжаваньне хуткасьці на нім. Гэтае абвінавачваньне было зьнятае, але як у такім разе нас могуць вінаваціць у адмове ад удзелу? Усё адно гэта была б гонка, якая не задаволіла гледачоў”.

Таксама ў заяве сказана, што Мішлен гатовая кампенсаваць затраты ўсіх амэрыканскіх гледачоў.

Аматарам Формулы застаецца толькі радавацца, бо бліжэйшыя ГП адбудуцца.

30.6.2005   ▪ shuver