Альтэрнатыўнаму чэмпіянату наўрадці быць…

Прадстаўнікі пяці камандаў аўтавытворцаў і дзевяці камандаў чэмпіянату (усе, акрамя Ферары) сустрэліся ў сераду ў Мюнхэну, каб абмеркаваць пэрспэктывы далейшых дзеяньняў. Размова аб арганізацыі альтэрнатыўнага чэмпіянату ўжо не ідзе…
Ананімны прадстаўнік аўтавытворцаў згадзіўся пракамэнтаваць вынікі раунда для прэсы: “Сустрэча адбылася ў спакойнай і канструктыўнай абстаноўцы. Мы абмеркавалі 80% пытаньняў, якія стаялі на павестцы дня і выпрацавалі па большасьці зь іх адзіную пазыцыю. Мы не кажам пра стварэньне альтэрнатыўнага чэмпіянату, бо павіны гарантаваць будучыню Формулы 1, стабільнасьць і даходнасьць. Менавіта таму, калі будзе гатовы пакет прапаноў, мы накіруем яго да Макса Мослі й Бэрні Эклстоўна”.

7.7.2005   ▪ shuver