FIA абвясьціла сёньня сьпіс камандаў, якія ўвойдуць у Камісію F1 на сэзон 2008 года. McLaren і Toyota не патрапілі ў іх лік.

Камісія Формулы-1 - гэта група аўтавытворцаў і прамоўтэраў гонак, якія ўхваляюць новыя правілы, а затым падаюць іх на разгляд Сусветнай Аўтаспартыўнай Радзе.

Такім чынам, у 2008 году ў камісію ўключаныя: Ferrari, Renault, Williams, Honda, Red Bull і BMW Sauber. А таксама прадстаўнікі гоначных трас: Аўстралія, Бразілія, Гішпанія, Вугоршчына і Манака.

Джанкарла Фізыкела ганарыцца тым, што здолеў абагнаць пецярых канкурэнтаў на вузкіх вулачках трасы ў Манака.

Джанкарла Фізыкела: “Гэта быў выдатны дзень. Абагнаць аднаго суперніка ў Манака - ужо дасягненьне, але пецярых…шчыра кажучы, я ганаруся сабою. Я думаю гледачы, якія глядзелі трансляцыю гонкі, бачылі мой абгон Култхарда й Вільнёва на ўваходзе ў шыкану, але камеры выпусьцілі моманты абгону Росберга ў Mirabeau і Ліюцы па зьнешняй траекторыі ў Rascasse! Гэта было рызыкоўна, але хто не рызыкуе, той ня п’е шампанскага. У мяне ж усё атрымалася, і я вельмі ганаруся гэтым!”

Пілот BMW Жак Вільнёў ажаніўся са сваёй нявестай Джоанай Марцінез. Цырымонія прайшла ў панядзелак у Швейцарыі ў прысутнасьці сваякоў і блізкіх сяброў.

Шлюб праходзіў ў мястэчку Chateau d’Aigle, пасьля чаго госьці пераехалі ў мястэчка Віларс, дзе будуць жыць маладыя, на ўрачысты прыём. Шлюб жа пройдзе на наступным тыдні ў Парыжы.

Прэзідэнт Renault Карлас Гон заявіў, што кампанія нацэленая на доўгатэрміновую перспэктыву ў Формуле 1. Гон засьведчыў, што каманда атрымае неабходныя інвэстыцыі для таго, каб застацца ў групе лідыраў.

Карлас Гон: “У нас доўгатэрміновыя перспектывы, зьвязаныя з Формулай 1. Для мяне асабіста, і для Renault, ніколі не было нявызначанасьці ў пытаньні аб удзеле ў чэмпіянаце. Мы павінны прыцягваць людзей і прасоўваць нашую марку, і нашыя вынікі й наш камандны дух дазваляюць рабіць гэта. Пытаньне для Renault было і застаецца - як мы ўвасобім удзел у чэмпіянаце ў рост нашай гандлёвай маркі. Канкрэтней на яго мы зможам адказаць у 2009 годзе. На працягу трох наступных гад, папулярнасьць наскай маркі павінна залежыць ад нашых перамог у Формуле 1.”

Renault больш за сур’ёзна вызначылася з будучыняй у Ф1. Прэзідэнт Renault таксама пацьвердзіў, што інвестыцыі ў каманду не спыняцца.

Былы пілот Ф1 Алекс Занардзі возьме ўдзел у тэстах BMW напрыканцы гэтага сэзону. Італьянец, які страціў абедзве нагі ў 2001 году падчас гонкі сэрыі ChampCar, не павесіў шалом на цвік.

Алесандра Занардзі дэбютаваў у Формуле 1 у 1991 на Гран-Пры Гішпаніі ў складзе каманды Jordan. Ён стартаваў 20-м і фінішаваў 9-м. Ягонай апошняй гонкай у Ф1 было Гран-Пры Японіі ў 1999 у складзе Williams.

Занарддзі год адпачыў ад гонак, а затым, у 2001-м, падпісаў кантракт з камандай Mo Nunn Racing, якая выступала ў ChampCar. Падчас гонкі на Лаўзытцрынге ў Нямеччыне, у сутыкненьні ён страціў абедзьве нагі й амаль што памёр з-за вялікай страты крыві. Ягонае дзіўнае выздараўленьне натхніла шматлікіх маладых пілотаў, заўсёды імкнуцца да сваёй мары.

Група галандскіх інвестараў мела перамовы з гаспадаром MF1 Racing Алексам Шнайдэрам наконт магчымага продажу каманды Формулы-1. Даклад гаворыць, што яна можа быць прададзена за 100 мільёнаў долараў ЗША.

Дакладчык пацьверджіў, што сп. Шнайдэр сур’ёзна разглядае прапанову і рашэньне будзе прынята на наступным тыдні.

Кімі, які знаходзіўся на дыстанцыі не больш сэкунды ад лідэра на працягу ўсяго перыяду гонкі да рэжыму бясьпекі, сыйшоў з-за паломкі рухавіка.
«Сёньня быў ня мой дзень. Наша стратэгія была разьлічаная на абгон падчас другой сэрыі піт-стопаў, аднак усё пайшло ня так, калі на трасу выехаў аўтамабіль бясьпекі».
«Потым адбыўся перагрэў рухавіка, які выклікаў узгараньне цеплавой абароны, якая ў сваю чаргу пашкодзіла пучок правадоў кіруючай электронікі. У гэты момант гонка для мяне скончылася».

Пасьля сходу пары лідэраў і штрафу Рубенса Барыкела на трэцім месцы апынулася Toyota Ярна Трулі. Аднак італьянцу, пераможцу гонкі ў Манака 2004 года, не наканавана было падняцца на подыўм.

Ярно Трулі: “Я зрабіў усё, што мог – але зноў не пашчасьціла. Машына была досыць хуткая, я мог ісьці хутчэй за супернікаў, але затрымаўся ў трафіку. На піт-стоп мы адправіліся разам з Барыкела, і відаць было, што ён забыў уключыць абмежавальнік хуткасьці. Пад канец я прэтэндаваў на подыўм, але адмовіла гідраўліка”.

Для пілота каманды Williams Ніка Росберга гонка апынулася такой жа няўдалай, што й для ягонага паплечніка па камандзе Марка Ўэбера. У Ніка таксама не атрымалася дайсьці да фінішу.

«Каманда прарабіла вялікую працу, і пачатак гонкі быў вельмі добрым - я адыграў дзьве пазыцыі. Нажаль, гэтага было нядосыць» - сказаў Росьберг.

«Я думаю справа ў тым, што я ішоў на два піт-стопы, у то час як мае бліжэйшыя супернікі на адзін. Мне вельмі шкада, што каманда не дайшла да фінішу, бо мы маглі скончыць гонку на подыўме і набраць пойнты» - скончыў Ніка.

Па апошніх паведамленьнях, што прыйшлі з Францыі, загінуў Эдуард Мішлен. Гэта адбылося падчас рыбалкі. Лодка, на якой плылі Мішлен і ягоны сябар патанула, забраўшы з сабою жыцьці двух людзей.
Імя гэтага выбітнага чалавека вядома ўсім, хто хоць неяк зьвязаны з аўтамабілем. У 1985 у ягоны гонар была названая французская кампанія, якая вырабляе накрыўкі.

У гэты ўікэнд Michelin будзе змагацца за пятую перамогу на ГП Манака.

22 траўня 1966 года на Гран-Пры Манака дэбютавала першая машына Формулы-1, пабудаваная Брусам Маклярэнам. У гэтыя дні McLaren адзначае 40-годдзе, і гэтую дату каманда рашыла адзначыць арыгінальным спосабам.
На гонцы ў Манака машыны Кімі Райканена й Хуана-Пабла Монтоі будуць абсталяваныя стырном, упрыгожаным дыяментамі. Партнёрам McLaren выступае кампанія Steinmetz, якая летась падрыхтавала дыяментавыя ўпрыгожванні для шлемаў пілотаў “срэбных стрэлаў”.
Для прэзентацыі быў падрыхтаваны макет баліда Формулы-1, створаны з двух тонаў лёду. Кими Райкконен, якому, як вядома, далі мянушку “Айсмен”, залез у яго і папазіраваў фатографам з новым стырном.

Валянціна Росі прыняў рашэньне адносна сваёй будучыні, паклаўшы канец шматлікім чуткам. Італьянец застаецца ў MotoGP. Сяміразовы чэмпіён сьвету па матагонках мог заняць месца ў камандзе Ferrari, пасьля шматлікіх тэстаў каманда была ім цалкам задаволеная.

Валянціна Росі: “Я працягну выступаць, прынамсі пакуль, у чэмпіянаце сьвету па матагонках. Тэсты з Ferrari былі вялізным досьведам, але я ўсё яшчэ ня скончыў тое, што жадаў зрабіць у матагонках. Я па-ранейшаму матываваны на перамогі.”

Росі выйграў усяго адну гонку ў гэтым сезоне і находзіцца на 8 месцы ў чэмпіянаце пілотаў.

Каманда Red Bull прадставіць новую афарбоўку машынаў і свайго маторхоўма на Гран Пры Манака. Фільм “Супэрмэн вяртаецца” стане галоўнай тэмай у гэты ўік-энд.

Для рэклямнай акцыі новага блёкбастэра звыклы маторхоўм Red Bull Energy Station ператворыцца ў Daily Planet HQ in Metropolis з пулам для плаваньня на даху.

Баліды таксама будуць размаляваныя ў колеры новага фільму.

Такі падыход да рэклямы не ў навінку. Летась Red Bull рэклямаваў фільм “Зорныя Войны”. Машыны былі размаляваныя ў колеры фільма, а механікі былі апранутыя ў гарнітуры пэрсанажаў фільма. [на фотаздымку]

Франк Мантані рыхтуецца да свайго трэцяга старту ў складзе Super Aguri. Тым часам каманда заявіла француза яшчэ на тры гонкі ў Сільверстоўне, Манрэалі і Індыянапалісе.

Раней хадзілі чуткі, што Мантані правядзе ў Манака апошнюю гонку, пасьля чаго другое месца ў Супэр Агуры зойме японскі пілот. У якасьці кандыдата называўся Сакон Ямамота.

Фэрнанда Алёнса ўпэўнены, што яго каманда падыдзе да наступнай гонкі ў выдатнай форме, і што ён зможа ўпершыню перамагчы на знакамітай трасе Monte Carlo. Гішпанец таксама далучыўся да выказваньняў іншых пілотаў, адносна трафіку ў кваліфікацыі і недахопу месцаў для абгону павольна ідучых машын.

Фэрнанда Алёнса: “Я думаю ўсе трохі хвалююцца аб кваліфікацыі. У Манака ў кожнай сэсіі ўзнікае трафік, і кваліфікацыя сёлета будзе напружанай. Я думаю першыя 15 хвілін будуць самымі цяжкімі, таму што адзін жоўты сьцяг на трасе або павольна ідучы па трасе балід, і вы можаце не патрапіць у наступную частку кваліфікацыі. Так што нам трэба быць асьцярожнымі і несумнеўна мы абярэм неабходную стратэгію, каб быць упэўненымі, што патрапім у дзесятку наймацнейшых.

Я думаю, машына будзе хуткая. Тут важна добрае счапленьне, а гэта заўсёды было моцным бокам R26 на працягу ўсяго сэзону. Michelin прарабіў выдатную працу ў Гішпаніі, і яны заўсёды былі моцнымі ў Манака. Гэтая траса заўсёды была добразычлівая да нашай каманды ў мінулым і калі мы правядзем гэты ўік-энд без памылак, то зможам дужацца за перамогу. Каманда едзе сюды толькі за перамогай.”

FIA абвясьціла конкурс сярод вытворцаў накрывак на права супрацоўнічаць з чэмпіянатам Формулы-1 на працягу 2008-2010 гадоў. Заяўкі прымаюцца да 23-га чэрвеня. Канчатковы выбар будзе зроблены 5-га ліпеня.

Bridgestone, Michelin і Pirelli прэтэндуюць на ролю шыннага манапаліста. Таксама аб сваім жаданні супрацоўнічаць з чэмпіянатам Формулы-1 некаторы час назад заяўляла паўднёвакарэйская кампанія Kumho.

Юдзі Ідэ пазбавіўся суперліцэнзіі Ф1, таму што не набраўся досыць досьведу. У выніку чаго паказваў невыразны выступ на трасах. Ён быў заменены на час Франкам Монтаньі. Ягоны бос Агуры Сузукі растлумачыў, чаму Ф1 апынулася настолькі складанай для Іды.

Агуры Сузукі: “Гэта было незвычайна цяжка для яго. Ён ня ведаў ніводнай трасы. Ён праехаў усяго 200 км за стырном баліда Формулы 1 перад стартам сэзону, што вельмі мала для пачаткоўца.”

Апроч гонак, у 31-гадовага японца былі праблемы з ангельскім. Сузуки прыходзілася перакладаць усё радыёразмовы паміж ім і ягоным гоначным інжынерам. Гэта было ня лёгка.
“На вольных заездах у пятніцу й суботу, я задаваў Юдзі пытаньні, на якія, з-за ягонай невопытнасьці, атрымоўваў адказы, якія сам са складанасьцямі разумеў.”

Усё ідзе да таго, што ў наступным сэзоне за Ferrari будуць выступаць Міхаэль Шумахер і Кімі Райканен. У сувязі з гэтым мейсца для Валянціна Росі не застаецца, аднак гішпанская прэса ўсё жа знайшла мейсца для мотачэмпіёна.

Выданьне Marca мяркуе, што Росі ў наступным сэзоне апынецца ў камандзе Red Bull. Улічваючы, што Red Bull і Ferrari супрацоўнічаюць, можна сказаць, што Росі пройдзе стажыроўку ў “малодшай” камандзе.

Берні Эклстоўн падпісаў дамову з чальцамі Асацыяцыі Вытворцаў Формулы-1 (GPMA),якія датычыцца будучыні гэтых камандаў. Зараз ужо можна казаць, што альтэрнатыўнай сэрыі пасьля 2008 года ня будзе. Дадзеная дамова было падпісана ў пятніцу.

У асацыяцыю ўваходзяць кампаніі Renault, BMW, Mercedes, Toyota і Honda. Гэтыя аўтавытворцы на мінулым ГП Гішпаніі заявілі аб сваёй гатовасьці працягнуць супрацоўніцтва з Берні Эклстоўнам. Гэта зрабіла магчымым падпісаньне новага кантракту.

Па кантракце 50 адсоткаў грошай, атрыманых з трансляцыяў, будуць дзяліцца паміж 11-ю камандамі. Зараз камандам аддаецца толькі 25 адсоткаў прыбыікаў. Сума, якую атрымоўвае кіраўніцтва Формулы-1 за права правядзеньня трансляцый, роўная 1 мільярду даляраў у год.

У Юдзі Ідэ забралі супэпліцэнзыю, больш ён у гэтым сэзоне ў какпіт не сядзе.
Фізыкела быў бы рады, калі б меў магчымасьць падпісаць кантракт з Рэно на наступны сэзон, але ж усё занадта цёмна.
Па чутках Кімі Райканэну Флавіа Брыаторэ прапанаваў пэўны кантракт на 4 сэзоны, па 36 млн. за кожны, ці будуць фэрарысты даваць больш?
Міша Шумахер просіць пачакаць ягонага рашэньня да канца сэзону, чым расхіствае рынак пілотаў.
З-за таго ж Шумахера можа не хапіць месца ў топ-камандах Мантоі, які толькі марыць аб тым, каб Шумі сышоў. Нат Рэд-Бул у такім выпадку можа стацца для Мантоі недасягальным.

Каманда Ferrari датэрмінова пакінула тэсты ў Поль Рыкар пасьля таго, як раніцою згарэў рухавік на машыне Феліпэ Масы. Ferrari павінна была зьехаць увечары, але пасьля ранішняй адмовы матора й у сувязі з высокай верагоднасьцю дажджу, каманда прыняла рашэньне датэрмінова пакінуць трасу.

Феліпэ Маса адправіцца ў Фіарана, дзе зараз працуе Міхаэль Шумахер…

Жан Тод: “Дзеючая зараз сыстэма налічэньня поінтаў павінна была падвысіць цікавасьць да чэмпіянату пад час панаваньня Ferrari, калі мы выйгравалі тытул ужо ў сярэдзіне сэзону. Была пастаўленая зразумелая мэта — максымальна зацягнуць інтрыгу, адклаўшы рашэньне галоўных пытаньняў да восені, зараз яна падаецца мне не зусім разумнай — перавагу вельмі складана адыграць, нават калі выйграваеце дзьве гонкі запар, але ваш супернік прыязджае другім.
Зразумела, правілы роўныя для ўсіх і мы прымаем іх, разам з ўсімі ўдзельнікамі чэмпіянату, але калі людзі ў чарговы раз гавораць аб тым, што FIA прымае папраўкі, сыходзячы з інтарасаў Ferrari, то я ўзгадваю, да прыкладу, сыстэму налічэньня поінтаў”.

Бэрні Эклстоўн пацьвердзіў, што цалкам падтрымлівае жаданьне замяніць трэцюю частку кваліфікацыі “адзінкавым” фарматам, не гледзячы на тое, што варыянты вызначэньня стартавай рашоткі змяняліся неаднаразова.
Першыя дзьве сэсіі застануцца ранейшымі й захаваюць за сабою элемэнт выпадковасьці. А вось трэцяя частка сэсіі ўвесь час крытыкуецца за тое, што большую частку машыны езьдзяць, накатваючы колы “паліўнага крэдыту” для гонкі, а гэта напружвае шматлікіх тэлегледачоў…

Бос Toyota Motorsport Джон Хаўэт вырашыў падбадзёрыць Ярна Трулі, які ў гэтым сэзоне правёў ужо пяць безвыніковых гонак…

Джон Хаўэт: “Гэты сэзон пакуль складаецца для Ярно ня лепшым чынам, але я ведаю, што ён таленавіты й хуткі, проста дагэтуль яму ня шасьціла. Учора ён паказваў выдатны час на коле за стырном цяжкай машыны, я ўпэўнены, што хутка няўдачы застануцца ззаду, а Трулі абавязкова вернецца ў барацьбу. Не ў Ярно, не ў каманды, няма праблем з матывацыяй і даверам адно аднаму”.