Каманда Red Bull Racing вырашыла замяніць рухавік на машыне DC (Дэвіда Култхарда) новым Ferrari V8. З-за гэтай замены шатляндцу прыйдзецца пачынаць гонку Канадскага Гран Пры з апошняй пазыцыі.

Кампанія Michelin не зьбіраецца спрачацца за права манапольных паставак гумы для камандаў Формулы-1 з 2008 года. Як вядома, FIA абвясьціла тэндэр на пастаўкі, і прыём заявак сканчаецца на гэтым тыдні. У сувязі з гэтым Michelin выпусціла прэс-рэліз.

“Кампанія Michelin не раз заяўляла аб тым, што Формула-1 для кампаніі зьяўляецца арэнай перадавых тэхналогій. Шынная манаполія супярэчыць прынцыпам кампаніі, таму Michelin не збіраецца падаваць заяўку на ўдзел у тэндэры”.

Галоўным прэтэндэнтам на шынную манаполію лічыцца Bridgestone, які, дарэчы, будзе манапалістам ужо ў наступным сезоне ў сувязі з сыходам Michelin.

Ужо палова сэзону мінула, а Кімі Райканен яшчэ не прыняў рашэньне, у якой камандзе ён працягне кар’еру ў наступным сэзоне. Варыянтаў усяго тры (McLaren, Ferrari і Renault), але рашэньне прыняць вельмі цяжка – гэта, хутчэй, падобна на латарэю, улічваючы, як хутка мяняецца сітуацыя ў сучаснай Формуле-1.

Кімі Райканен: “Я пакуль не жадаю думаць аб наступным сэзоне, бягучая сітуацыя мяне цалкам задавальняе. Вядома, у адзін дзень усё стане ясна і ўсё пазнаюць аб маім рашэньні. Не выключана, што я застануся ў McLaren. Каманда прагрэсуе, і я хачу зразумець, чаго яна даб’ецца ў бліжэйшы час. Адно магу сказаць, я яшчэ не знайшоў прыдатны для сябе варыянт”.

У McLaren не раз гаварылі, што гатовыя пачакаць рашэньня Кімі Райканена, аднак у апошні час сталі намякаць, што тэрмін прыняцця рашэньня падышоў. У якасьці будучага напарніка Фернанда Алонсо ўжо завуць маладога Люіса Гамільтана.

Ральф Шумахер у гэтым сэзоне толькі раз падняўся на подыўм, ды і то гэта можна аднесьці да шанцаваньня, чым да хуткасьці ягонага баліда Toyota. У астатніх жа гонках пілоты японскай каманды дужаюцца за апошнія месцы пойнтавай зоны, пры гэтым у Ярна Трулі ўвогуле няма ніводнага пойнта.
Ральф Шумахер: “Ня варта чакаць перамогаў ад Toyota сёлета. Калі пашчасьціць, мы можам падужацца з другімі пілотамі топ-каманд, ня больш. Наперадзе дзьве хуткасныя трасы, а мы па максімальнай хуткасьці прайграваем 7-10 км/г. Праўда, у Канадзе нам могуць дапамагчы шыканы”.

Некаторы час таму McLaren страціў пару інжынераў-аэрадынамікаў. Па чутках, “срэбныя стрэлы” маюць намер кампэнсаваць страты, перавабіўшы адмыслоўцаў Renault. Сярод іх Ніколь Энэль дэ Бапро, які працаваў над аэрадынамікай балідаў R25 і R26.

У бліжэйшы час Ніколь павінен далучыцца да групы праекту MP4-22. У цяперашні час працы над машынай 2007 года ўзначальвае Нік Фрай, які кіраваў леташнім праектам MP4-20.

Чэмпіён 1997 года, які выступае за BMW, запісаў альбом у жанры акустык-рок і ягоны першы сынгл завецца ‘Accepterais-tu’ (Would you accept?-Ці прымеце?).
Песьня будзе даступная для запампоўкі ў інтэрнэце, і толькі 5000 плытак будуць знаходзіцца ў продажы на працягу тыдні пасьля гонкі.
Жак Вільнёў: “Я заўсёды любіў музыку. Мой дзед быў настаўнікам па фартэпіяне, мой бацька гуляў на фартэпіяна і трубе і мая сястра таксама стала музыкай. Пасьля завяршэньня мінулага сэзону, я чакаў пацьверджаньня свайго ўдзелу ў ныненышнем, і ў гэты час мне няма чым было заняцца. Таму я вырашыў пайсьці ў студыю, сабраць некалькіх людзей разам, каб паглядзець, як будуць гучаць мае песьні ў руках прафесіяналаў гуказапісвальнай студыі.”
Вільнёў гуляе на гітары і фартэпіяна. У альбом таксама ўвойдуць песні, дуэтам з сястрой.

Міхаэль Шумахер захаваў пост дырэктара Асацыяцыі Пілотаў Гран-Пры (GPDA) пасьля мінулага ў пятніцу чарговага збору. На позьве дня стаяла толькі адно пытаньне - інцыдэнт зь Міхаэлем у Манака.

Збор, атмасфера якога ў пачатку была вельмі напружанай, працягваўся каля паўгадзіны. Але пасьля сустрэчы пілоты абвясьцілі, што Шумахер захоўвае свой пост аднаго з 3 дырэктараў.

Некаторыя пілоты ігнаравалі збор, у іх лік увайшлі Кімі Райканен, Алёнса, Ўэбер і Монтоя.

Бос Ferrari Жан Тод верыць, што шанцы на чэмпіёнскі тытул яшчэ не страчаныя, і што яны змогуць дагнаць Renault у чэмпіянаце. Але пакуль сытуацыя складаецца не на карысьць італьянскай “стайні”…5 з 7 гонак гэтага сэзону на рахунку Фернанда Алёнса й Джанкарла Фізыкелы.

“Сітуацыя ў чэмпіянаце вельмі адкрытая. Мы пачалі чэмпіянат ня вельмі ўпэўнена, але ўпартая праца можа даць нам шанец усё выправіць. У нас добрая каманда, добрая машына і добрыя ўзаемаадносіны з Bridgestone. І наперадзе яшчэ 11 гонак сэзону…мы не страчваемы надзеі.”

Джэнсан Батан рыхтуецца да хатняга Гран-Пры Вялікабрытаніі. Пры падтрымцы сваіх фанатаў, Джэнсан набраў 2 пойнты ў сваёй першай гонцы на Сільверстоўне ў 2000-м. Брытанец спадзяецца набраць пойнты і ў гэты ўік-энд.
Джэнсан Батан: “Гран-Пры Вялікабрытаніі - мая хатняя гонка і гэта будзе вельмі эмацыйны ўік-энд для мяне. Я патрыёт сваёй краіны і атрымоўваю вялізную падтрымку сваіх заўзятараў, а калі вы чуеце як спяваюць ваша імя - гэтае фантастычнае пачуцьцё.”

Пілот McLaren Кімі Райканэн рыхтуецца да наступнага Гран-Пры. Ён лічыць, што Сільверстоўн - адна з легендарных трас, і для пілота перамагчы тут вельмі ганарова.

Старт у гонцы Гран-Пры Вялікабрытаніі стане 200-м для Renault. Каманда цалкам можа адзначыць юбілей перамогай, улічваючы патэнцыял R26. Дарэчы, траса ў Сільверстоўне находзіцца не так ужо й далёка ад базы ў Энстоўне.

“Адшукваецца японскі пілот з Супэрліцэнзіяй ФІА” – відавочна, што менавіта такую аб’яву можна знайсьці на старонках газэт Краіны Ўзыходзячага Сонца. Тым ня менш, ужо на Гран-Пры Францыі Super Aguri зможа ператварыцца ў японскую зборную. Па наяўнай інфармацыі, падрыхтоўку да дэбюту ў Формуле-1 вядзе Сакон Ямомото. За сьпіной японца ўжо ёсць досьвед пілатаваньня Jordan і BAR.
А Франку Монтані прыйдзецца зноўку перайсьці ў шэраг гледачоў. Праўда, у француза ёсць іншая мэта – 24 гадзіны Ле-Мана.

Не сьціхаюць гутаркі вакол інцыдэнту, які адбыўся падчас кваліфікацыі Гран-Пры Манака, калі на апошніх хвілінах Ferrari Міхаэля Шумахера заблякавала трасу. Напярэдадні гонкі ў Сільверстоўне адбудзецца чарговае паседжаньне GPDA (Асацыяцыі пілотаў Гран-Пры), на якім сяміразовы чэмпіён дасьць тлумачэньні. Не сакрэт, большасьць пілотаў згодныя зь меркаваньнем суддзяў, якія прызналі, што Шумахер наўмысна перакрыў трасу.

Марк Ўэбер, адзін зь кіраўнікоў GPDA: “Зараз Міхаэль павінны даць тлумачэньні пілотам, сваім калегам. Вельмі хацелася б дазнацца праўды аб тым, што ж адбылося на апошніх сэкундах кваліфікацыі”.

Джэнсан Батан напружана працаваў на гэтым тыдні на тэстах у Барсэлоне. Разам са сваім партнёрам па камандзе, ён рыхтаваўся да свайго хатняга Гран-Пры на гішпанскай трасе.

Джэнсан Батан: “Тэсты прайшлі прадуктыўна. Мы тэставалі новыя склады Michelin, якія падрыхтаваныя адмыслова да наступнага Гран-Пры й гэта былі вельмі карысныя тэсты. Таксама працавалі з наладкамі, каб пазбегнуць тых памылак, з якімі мы сутыкнуліся ў Манака. Мы прарабілі вялікую працу на гэтым тыдні і, спадзяюся, атрымаем максымум (наколькі гэта магчыма зараз) ад нашай машыны.”

Пасьля складанага старту ў Манака, у Ніка Хайдфельда на фінішы атрымалася зарабіць 2 пойнты. Па заявах спартовага дырэктара BMW, каманда добра падрыхтавалася да Сільверстоўну.

Марыё Тайсэн: “Нашыя вынікі будуць заўважна лепшыя на наступнай гонцы, бо пойнты, якія каманда зарабіла на Гран-Пры Манака паказваюць, што каманда можа працаваць у складаных умовах і пераадольваць непрадбачаныя праблемы. Па ходзе вольных заездаў і кваліфікацыі ў нас былі праблемы з электронікай, якія не дазволілі нам добра кваліфікавацца. Але дзякуючы добрым дзеяньням каманды й пілотаў, Нік змог падняцца з 15 месцы на 7 у гонцы. Гэта былі цяжкія 2 пойнты.

Мы набіралі пойнты ў 5 з 7 гонак гэтага сэзону. Гэтая ж задача стаяць і на Сільверстоўн. Зьмены ў аэрадынаміцы, наладкі машыны й выбар гумы,якая будзе выкарастана на гэтым ўік-энддзе будуць зробленыя падчас тэстаў у Барселоне й на нашай базе ў Хінвіле. Траса ўяўляе сабою выпрабаваньне для рухавікоў. Пілоты на маторах V10 ехалі “на мяжы” 58 адсоткаў кола, што складае больш паловы. Для “васьмёрак” жа гэтыя значэньні падняліся яшчэ вышэй. У адрозненьні ад Манака, матор тут мае вельмі важнае значэньне.

Нік паедзе на тым жа самым маторы, што й у Манака, а Жак на новым. У апошні час шмат было дыскусій аб гэтым аўтадроме, ці патрэбен ён Ф1…скажу вам, што так, гэта ж клясычная гонка Ф1, частка легенды.”

Учора Міхаэль Шумахер пабіў рэкорд трасы ў Барсэлёне. А сёньня немец зноўку быў на вяршыні неафіцыйнага пратаколу дня. Лепшы час быў на паўсэкунды горш учорашняга. Роберт Кубіца, які замяніў Жака Вільнёва, паказаў другі рэзультат дня.

У Хондзе Энтані Дэвідсан і Джэймс Росітэр замянілі асноўных пілотаў, якія працавалі ў сераду і чацьвер.

У Таёце Паніс вярнуўся на трасу. Разам з Трулі ён працаваў над апошнімі наладкамі для Гран Пры Вялікабрытаніі. На дваіх яны праехалі 842 кіламетраў і сабралі важную інфармацыю па наладах машыны і вызначыліся з выбарам гумы на Сільверстоўн.

У Рэно Фізікела і Кавалайнен працягнулі працу разам. Абодва пілоты тэставалі баліды на доўгай дыстанцыі і ў канцы дня таксама вызначыліся з выбарам тыпу гумы Мішлен. Гоншчыкі паказалі 3-ці і 4-ты час дня суадносна.

BMW арганізуе рэклямную акцыю для фанатаў аўтаспорту ў Лонданскім Гайд Парку. Жак Вільнёў пракоціцца на сваім балідзе па 380-метровай дарожцы парку ў аўторак, 13 чэрвеня, перад пачаткам гоначнага ўік-энду на Сільвэрстоўне.

Акцыя будзе арганізавана кампаніяй Intel. А кампанію Жаку Вільнёву ў гэты дзень складзе Эндзі Прыёль за рулём BMW M6.

Падобна, што мы ўжо сапраўды ня ўбачым Валянціна Росі ў Ф1 у наступным сэзоне. Італьянец падпісаў новы кантракт з Yamaha. Гэта будзе ўжо ягоны 4-ы сэзон за гэтую каманду.

Лін Джарвіс, кіраўнік, дырэктар Yamaha Motor Racing: “Па-першае мы вельмі радыя, што Валянціна застаецца ў MotoGP. Ён вялікі мотапілот і ягоная прысутнасьць ў гэтым спорце надзвычай важная. Ён самы таленавіты й хуткі мотапілот сучаснасьці й для ўсіх астатніх ён застаецца прыкладам для перайманьня.

Фэліпе Маса прызнае, што з-за ягонай дрэнага выступу кваліфікацыя ў Манака была найгоршай для Фэрары.
“Гэта была мая памылка, я спрабаваў спаймаць балід, але ў мяне не атрымалася.”
Таксама Фэліпе прызнаўся, што не канца выкарыстоўваў нагрэтыя накрыўкі.

Нават, нягледзячы на тое, што FIA адхіліла заяву Эдзі Джордана на ўдзел ягонай каманды ў Формуле-1 у сэзоне-2008, ён не адчайваецца й гаворыць, што ўсё роўна жадаў бы вярнуцца ў Формулу-1.

«Калі б ў мяне была магчымасьць вярнуцца ў Формулу-1 з добрай, канкурэнтаздольнай камандай я зрабіў бы гэта» - сказаў 58-гадовы Джордан.