Аказваецца, у сучасных балідах Формулы 1 ёсьць беларуская часьцінка. Гаворка ідзе пра ультравысокатрывалы корд для покрывак, які выкарыстоўвае кампанія Bridgestone. Гэты дэвайс вырабляюць на “Беларускім металургічным заводзе”.

Гаворыць Мікалай Андрыянаў, генеральны дырэктар прадпрыемства:
- Ультравысокатрывалы корд для аўтамабільных покрывак, які вырабляюць на “Беларускім металургічным заводзе”, выкарыстоўваецца ў балідах Формулы 1, у прыватнасьці, кампаніяй Bridgestone.

Па запрашэньні кампаніі мы наведалі адзін з этапаў аўтагонак. З’ездзілі, паглядзелі, што гэта такое — занадта шмат шуму, і нічога не відаць. Па тэлевізары глядзець лепш.

Тое, што наш корд карыстаецца попытам, не выпадкова.

Прэс-служба FIA апублікавала папярэднюю вэрсію каляндара на сезон 2007 года. Сезон пачнецца 18 сакавіка ў Аўстраліі і скончыцца 21 кастрычніка ў Бразіліі. Будзе праведзена 17 гонак. Гран Пры Бельгіі вернецца ў каляндар, а Эўропа і Сан-Марына мабыць яго пакінуць, але ў Імалы шанец усё ж ёсьць — калі арганізатары пасьпеюць завяршыць мадэрнізацыю аўтадрома, то гэты этап зойме месца ўсярэдзіне месячнага перапынку паміж Бахрэйнам і Гішпаніяй.

Папярэдняя вэрсія каляндара на сезон 2007 года:

18 сакавіка Гран Пры Аўстраліі
8 красавіка Гран Пры Малайзіі
15 красавіка Гран Пры Бахрэйна
13 траўня Гран Пры Гішпаніі
27 траўня Гран Пры Манака
10 чэрвеня Гран Пры Канады
17 чэрвеня Гран Пры ЗША
1 ліпеня Гран Пры Францыі
8 ліпеня Гран Пры Вялікабрытаніі
22 ліпеня Гран Пры Нямеччыны
5 жніўня Гран Пры Вугоршчыны
26 жніўня Гран Пры Турцыі
9 верасня Гран Пры Італіі
16 верасьня Гран Пры Бельгіі
30 верасьня Гран Пры Кітая
7 кастрычніка Гран Пры Японіі
21 кастрычніка Гран Пры Бразіліі

Лідэр чэмпіянату Фернанда Алёнса кажа, што Michelin і Bridgestone вызначаць, хто, ён ці Міхаэль Шумахер, пераможа ў гэтым сезоне. Алёнса павялічыў свой адрыў ад Міхаэля да 12 пойнтаў пасьля Гран Пры Турэччыны.

Фернанда Алёнса: “Я лічу, што ўсё ў руках Michelin і Bridgestone, таму што баліды зараз на максімальнай ступені разьвіцьця. Накрыўкі могуць даць больш за паўсэкунды перавагі на коле, таму я лічу іх вызначальным фактарам.”

Зараз увага прыкавана да тэстаў у Монцы.

Фернанда Алёнса: “Ніхто не ведае, што адбудзецца падчас гэтых тэстаў і потым пасьля гонкі ў Монцы, калі будуць праведзены яшчэ дзьве тэставыя сесіі, якія падрыхтавалі для нас інжынеры Michelin.”

Летась Гран Пры Турцыі прынёс Кімі Райканену поўл і перамогу, зараз фін стартаваў зь сёмага месца і скончыў сваю гонку на першым коле, пасьля завалы ў першым павароце…

Кімі Райканен: “Старт атрымаўся брудным. Я спрабаваў пазьбегнуць кантакту з машынай Фізыкелы, якую пачало разгортваць, і ў тую ж сэкунду Спід урэзаўся ў маё задняе левае кола. Прыйшлося праехаць цэлае кола з прабітай шынай, каб заехаць у боксы, дзе механікі зрабілі замену, але мабыць машына пацярпела значна сур’ёзней — вярнуўшыся на трасу я змог дабрацца толькі да чацьвертага павароту. Задняя частка машыны страціла счапленьне з трасай, яе разгарнула і я стукнуўся аб ахоўны бар’ер з покрывак. Спіна трохі баліць, але чыннікаў для хвалявання няма, нажаль я не мог нічога зьмяніць у той сітуацыі”.

Феліпэ Маса, адразу пасьля фінішу заявіў, што перамагчы ў Формуле 1 было яго запаветнай марай. І зараз гэтая мара стала яваю. Бразілец дамінаваў у Турцыі ад старту да фінішу і не змог стрымаць слёзаў шчасьця на пасьлягоначнай прэс-канферэнцыі.

Феліпэ Маса: “Гэта фантастычнае пачуцьцё. Я так шмат працаваў на працягу ўсёй маёй кар’еры, каб у адзін выдатны дзень зьведаць гэтае пачуцьцё, і гэта цудоўнае. Аглядаючыся на ўсё тое, што я рабіў у сваім жыцьці, каб апынуцца тут, і раптам я дасягнуў сваё, патрапіў у Формулу 1, і вось яна - мая першая перамога.

Мне атрымаўся старт і першае кола. Машына была добра збалансаваная на працягу ўсёй гонкі, нават пасьля машыны бясьпекі, я мог атакаваць. Усю гонку, машына была проста фантастычнай, і я мог лёгка зрабіць сабе адрыў ад усіх і ехаць у спакойнай манеры. Сёньня мая мара спраўдзілася.”

Фернанда Алёнса заявіў, што быў упэўнены ў тым, што зможа адбіць усе атакі Міхаэля Шумахера на апошніх колах Гран Пры Турцыі. Гішпанец фінішаваў другім, усяго на 0,081с. перагнаўшы Міхаэля Шумахера, але рызыка была апраўдана, зараз адрыў ад немца ў чэмпіянаце павялічыўся да 12 пойнтаў.

Фернанда Алёнса: “Нам пашанцавала з машынай бясьпекі, і мы змаглі прайсьці Міхаэля. Затым я змог трохі адарвацца ад яго, таму што ў мяне было менш паліва ў баках. Потым Міхаэль дапусьціў памылку ў восьмым павароце, страціўшы на гэтым 3 або 4 сэкунды, якія, магчыма, сталі ключавымі на другім піт-стопе.

Я фінішаваў з запасам у паўкорпуса баліда, але гэтага хапіла, каб фінішаваць другім. Я шчасьлівы, але не настолькі, таму што мы не змаглі перамагчы сёньня, бо Феліпэ дагнаць было немагчыма. Калі шчыра, то я быў поўнасьцю ўпэўнены ў сабе ў канцы гонкі, мы падвысілі звароты рухавіка, калі Міхаэль крытычна да мяне наблізіўся, і я змог давесьці гонку да канца.”

Зараз перавага Алёнса ў чэмпіянаце за 4 гонкі да канца сэзону складае 12 пойнтаў.

Тэма допінгу ў Формуле 1 ніколі не падымалася. У паказальных мэтах у 2002-м пакаралі Томаша Энге за паленьне марыхуаны, тым усё і абмежавалася, але ў асацыяцыі гоншчыкаў Гран Пры (GPDA) ёсць тыя, хто патрабуе ўзмацненьня жорсткасьці спроб на допінг, хоць ёсьць і тыя, хто супраць. Зараз гоншчыкі здаюць аналіз мачы, але для дэталёвай спробы гэтага мала — дозы некаторых забароненых прэпаратаў настолькі малаважныя, што іх можна выявіць толькі па аналізе крыві.

Адзін з гоншчыкаў, папытаўшы не згадваць прозвішча, заявіў нядаўна журналістам Autosport: “Гоншчык не можа выступаць пад уздзеяньнем допінгу, так што баяцца няма чаго, але некаторыя прэпараты, накшталт EPO (эрытрапаэтын), якія падвышаюць цягавітасьць і канцэнтрацыю, забароненыя ў веласпорце і павінны быць забароненыя ў Формуле 1. Я бы жадаў узмацненьня жорсткасьці спроб на допінг, гоншчыкі павінны выступаць у роўных умовах, без якія-небудзь стымулятараў”.

Дырэктар GPDA Дэвід Култхард незадаволены гэтымі гутаркамі: “Перыядычна гэтая тэма ўсплывае, але я не думаю, што ў Формулы 1 ёсьць праблема з допінгам. Усе мы людзі, усе мы перыядычна п’ем тыя або іншыя пігулкі і скандалы, якія часта ўзьнікаюць у іншых відах спорту, не да твару Формулы 1. Калі хтосьці жадае ўзмацненьня жорсткасьці спроб, я пастаўлю гэтае пытаньне на позву дня брыфінгу пілотаў, але не думаю, што гэта варта абмяркоўваць у газэтах. Формула 1 і допінг несумяшчальныя”.

Фернанда Алёнса: “Гучныя імёны, аўтарытэты мінулых гадоў саступаюць дарогу маладым, імёны якіх аднойчы могуць стаць гучнымі — гэта натуральны працэс для любога чэмпіянату. Мы страцілі Вільнёва, але прыйшоў Кубіца — выдатны гоншчык, я лічу, што ён можа стаць сапраўднай зоркай Формулы 1…”

Дэвід Култхард — даўні сябар Жака Вільнёва, Джэнсан Батан выступаў зь ім у адной камандзе. На прэс-канферэнцыі ў чацьвер журналісты цікавіліся меркаваньнем брытанцаў аб нечаканым сыходзе канадца з BMW…

Дэвід Култхард: “Жак гэтак жа нечакана сыйшоў і з каманды BAR, гэта асаблівасьць яго характару. Кожны, хто знаёмы з Вільневам, ведае, наколькі гэта моцная асоба і верагодна ўсё не так проста, як пісала прэса пасля Хакенхайму. Жак дабіўся вялікіх посьпехаў у сваёй кар’еры, як у Амерыцы, так і ў Формуле 1. Незалежна ад таго, што аб ім думаюць, як аб гоншчыку, незалежна ад рэйтынгаў, я бы вельмі ганарыўся такімі дасягненьнямі. Ён заўсёды гаворыць тое, што думае і робіць тое, што лічыць патрэбным, я ўпэўнены, Жак яшчэ блісьне ў якім-небудзь чэмпіянаце”.

Джэнсан Батан: “Я не так добра ведаю Вільнёва, як Дэвід, але спадзяюся ўсё памятаюць аб тым, што ён выйграў тытул, гэтага ўжо не аднімеш. У апошнія некалькі гадоў усё складалася не зусім так, як жадалася бы Жаку, але за сваю кар’еру ён дабіўся таго, чаго не змаглі дабіцца шматлікія іншыя гоншчыкі”.

Стаўкі букмекераў брытанскай канторы William Hill на Гран Пры Турэччыны:

Кімі Райканен: “Летні перапынак важны для каманды, але асабіста я з нецярпеньнем чакаю вяртаньня на трасу, бо год назад у Турэччыне я стартаваў з поўла і выйграў гонку. Цікавая траса, патрабавальная да машын і гоншчыкаў, але наша машына была канкурэнтаздольная ў Вугоршчыне і было б выдатна паўтарыць леташняе дасягненьне.

Пераменны рэльеф трасы можна не ўлічваць пры наладжванні машыны, але ганяцца тут сапраўды цікава. У першым павароце і ў канцы доўгай прамой можна абганяць, а аб восьмым павароце ходзяць легенды і гэта сапраўды ўнікальнае месца. Варта дапусьціць памылку пры выбары траэкторыі і вы вылятаеце з трасы на хуткасці ў 310 км/г, але зьніжаць хуткасьць нельга, гэта адразу прывядзе да вялікай страты часу на коле”.

Фернанда Алёнса: “Прычыны для аптымізму ёсьць — кожны з гоншчыкаў марыць лідыраваць у чэмпіянаце за некалькі гонак да яго заканчэньня. Пасьля Гран Пры Нямеччыны ў Renault адчувалі некаторы ціск, але гонка ў Вугоршчыне паказала, што адмоўных тэндэнцый няма, R26 вельмі канкурэнтаздольная і сітуацыя можа мяняцца ў кожным Гран Пры.

Турэцкая траса задавальняе патрабаваньням нашай машыны, гума Michelin павінна быць эфектыўная, так што ў нас добрыя шанцы. Трэба засяродзіцца на сваёй працы, добра наладзіць машыну і не дапушчаць памылак, тады ўсё атрымаецца”.

Роберт Кубіца, BMW: “Папулярнасць Формулы 1 у Турцыі, як і ў Польшчы, нязьменна расьце, зьяўленьне свайго гоншчыка або правядзеньне нацыянальнага Гран Пры выдатна мяняе сітуацыю, спадзяюся гледачы не будуць расчараваныя Гран Пры, якія нас чакаюць. Я ніколі ня быў у Турцыі, ніколі не ганяўся на гэтай трасе, але судзячы па відэазапісе леташняй гонкі, тут можна абганяць і я ўпэўнены ў тым, што нас чакае цікавы ўік-энд.

Нельга сказаць, што я задаволены сваім выступам на Хунгарарынзе — занадта шмат памылак, хоць і іншыя гоншчыкі памыляліся ў гэтакіх няпростых умовах, аднак у Вугоршчыне я шмат чаму навучыўся і спадзяюся, што гэты досьвед дапаможа дабіцца большага ў Турцыі”.

Практычна адразу ж пасьля свайго сыходу з Формулы-1 Жак Вільнёў выказаў усё, што думае аб Міхаэлю Шумахеру. Па меркаваньні канадца, сяміразовы чэмпіён хлусіць сваім заўзятарам.

“Думаю, праблема ў тым, што вы не бачыце яго сапраўдную асобу. Ён пілот – чысты пілот і нічога больш. Менавіта таму, на мой погляд, калі ён павесіць шлем на цвік, людзі забудуць яго. Насупраць, ніколі не забудуць Сену. Вядома, ён загінуў занадта рана, але ёсьць і іншыя фактары. Не думаю, што памяць аб Міхаэлю будзе столькі працяглая, як памяць аб Просьце або Мэнсэле. Яны былі героямі, а вось Міхаэля да такіх аднесьці нельга.

Міхаэль ніколі ня быў вялікім чэмпіёнам, таму што зрабіў занадта шмат подласьцяў. Так, Сенна таксама зьдзяйсьняў брудныя ўчынкі, але ён рабіў гэта шчыра. Калі ён выбіў Проста на Сузуке ў 1990-м, ён распавёў, што вырашыў гэта зрабіць яшчэ да гонкі. Потым, у адрозненьне ад Міхаэля, які пасьля інцыдэнту ў Манака спрабаваў даказаць сваю невінаватасьць, Сена сказаў: “Так, я адмыслова зрабіў гэта. Але яшчэ да гонкі я вам гаварыў, што зьбіраюся гэта зрабіць”. Гэта моцна адрозніваецца ад таго, што Міхаэль зрабіў у Херасе ў 1997-м і ў Адэлаідзе ў 1994-м. Сена не маніў сваім заўзятарам, у адрозненне ад Міхаэля. І самае дрэннае, што заўзятары прымаюць яго слова, прымаюць чорнае за белае. Хоць адбываецца гэта з-за таго, што яны жадаюць паважаць спорт, які любяць. А Міхаэль карыстаецца іх лаяльнасьцю”.

Як паведамляе нямецкае выданьне Bild, кампанія Mercedes гатовая прапанаваць Кімі Райканену двухгадовы кантракт на суму ў 64 мільёна даляраў. Калі фін прыме яго, то ў наступным сезоне ў McLaren будзе, мабыць, наймацнейшая пара пілотаў за апошнія некалькі гадоў Формулы-1.

У той жа час Mercedes не хавае, што гатовы выкупіць пакінутыя акцыі McLaren (зараз немцам прыналежыць 40%) і ўкласьці ў каманду вялізныя сродкі, каб вярнуць сабе чэмпіёнскі тытул. Пры гэтым месца Рона Дэніса, магчыма, зойме Норберт Хауг, віцэ-прэзідэнт Mercedes Motorsport.

Яўна, такія сур’ёзныя намеры Mercedes могуць паўплываць на рашэньне Кімі Райканена, якому ўжо прыпісваюць падпісаны кантракт з Ferrari.

Першая за 113 гонак перамога Джэнсана Батана ў Гран-Пры яўна надасьць рэпутацыі ягоному хатняму аўтадрому ў Сільверстоўне. Прадстаўнікі трасы заявілі, што перамога Джэнсана на мінулым тыдні істотна павялічыла колькасьць заявак на квіткі на Гран-Пры Вялікабрытаніі - 2007.

Ажыятаж узрос настолькі, што босы трасы змушаныя былі падвоіць персанал які працуе ў call-цэнтры па продажах квіткоў.

“Я не ўпэўнены, што зьдзівіла нас больш; перамога Джэнсана ў Вугоршчыне, або ўплыў гэтай перамогі і вялікі попыт на квіткі на Брытанскае Гран-Пры ў наступным годзе?” сказаў бос Сільверстоўна Рычард Філіпс. “Не для каго не сакрэт, што посьпех брытанскага пілота падвышае цікавасьць як да Формулы 1 у цэлым, так і да Гран-Пры Вялікабрытаніі ў прыватнасьці. Калі быць сумленным, то мы не былі гатовыя да такой рэакцыі заўзятараў пасля перамогі Джэнсана.”

FIA і GPMA узгаднілі ўчора ўмовы, якія спрыяюць паніжэньню выдаткаў на распрацоўку новых матораў у надзеі выйсьці на больш спартовы ўзровень гонак. Пачынальна з Гран-Пры Кітая, які пройдзе 1 кастрычніка гэтага года, усе далейшыя распрацоўкі і паляпшэньні рухавікоў будуць забароненыя, і зроблены ліміт па абаротах матора - 19000 аб/хв.

На сустрэчы ў панядзелак, на якой прысутнічалі прадстаўнік ад FIA - Макс Мослі й ад GPMA - доктар Бурхард Гешэль, былі зробленыя крокі да больш эфектыўнга, з пункта погляду паліва, рухавіка з 2009 году, паколькі вытворцы матораў маглі бы дадаваць у магутнасьці сваіх агрэгатаў за рахунак сыстэмы назапашваньня энергіі - гэтыя папраўкі ў рэглямэнт будуць апублікаваныя ў канцы года.

GPMA ужо стварыла працоўную групу, якая будзе працаваць над гэтым і наступнымі зьменамі ў рэглямэнце, якія могуць занесьці FIA і вытворцы матораў.

FIA робіць усё, каб стварыць поўную гармонію з GPMA.

Марыё Тайсэн прызнаў, што зьвяртаўся да Міхаэля Шумахера з прапановай выступаць за BMW у наступным годзе.

«Вядома, мы гаварылі аб гэтым, але сур’ёзнага абмеркаваньня не было», - сказаў Тайсэн у інтэрв’ю адной нямецкай газэце. Раней паведамлялася, што BMW-Sauber прапанаваў сяміразоваму чэмпіёну сто мільёнаў даляраў у год.

Тайсэн ня выдаў іншых падрабязнасьцяў прапановы, толькі сказаў: «Той, хто находзіцца на маім месцы й ня думае аб Міхаэле – паступае няправільна». Ён таксама заявіў, што каманда ня можа даць машыну, на якой Міхаэль змог бы выйграваць гонкі: «Мы разьлічваем на перамогі толькі да 2008 году».

Кімі Райканен стартаваў у Вугоршчыне з поўл-пазішн і ехаў другім у гонцы, пакуль на 44-м крузе не ўрэзаўся ў Тора Роса Вітантоніо Луіцы…

Жак Вільнёў не вернецца за руль БМВ Заўбэр, у панядзелак бакі абвясцілі аб датэрміновым разрыве кантракту па ўзаемнай дамоўленасці.

Пасля сканчэння працэдуры ўзважвання сцюарды Гран Пры Вугоршчыне дыскваліфікавалі Роберта Кубіцу за недастатковую вагу машыны. Нічога наўмыснага ў дзеяннях каманды не было, недахоп двух кілаграм стала следствам празмернага зносу гумы, але машына не адпавядала аднаму з самых строгіх пунктаў рэгламенту, і паляка, які зарабіў ачкі ў сваім дэбютным Гран Пры, прыйшлося дыскваліфікаваць.

Напэўна, я не памылюся, калі скажу, што такую гонку мы чакалі даўно. Тут было ўсё: аварыі, развароты, абгоны, шмат абгонаў!
Сыход лідараў і нечаканыя пераможцы. Адным словам ВАЎ!

Шумахер і Алонса сыйшлі з-за адной і той жа праблемы - падвеска. Райканена выбіў колавы(ці ён сам аб яго выбіўся), сцюарды разьбяруцца.

Колькасьць абгонаў уражвае, барацьба дэ ля Розы з Шумахерам - прыгажосьць… Дзівоцтвы Скота Сьпіда на псэўдасьліках на мокрай трасе і так да бясконцасьці, тут ужо не да сну:)) Смакуйма паньство!

PS. Паляк прыгажун, хаця Барыкелу мог і прапусьціць, калі той абыходзіў яго на кола.

Другі поўл запар заваяваў Кімі Райканен. Посьпехам можна назваць гэты вынік, улічваючы чацьвёртае месца Пэдра дэ ля Росы. McLaren разьлічвае на першую ў сэзоне перамогу.

Кімі Райканен: “Выдатная кваліфікацыя, вельмі выдатна выйграць поўл. Машына ўвесь ўік-энд была хуткая, я ўпэўнены, што мы зрабілі дакладны выбар гумы. Я поўны ўпэўненасьці наконт заўтрашняй гонкі, у нас ёсьць шанец выйграць”.
Пэдра дэ ля Роса: “Я вельмі задаволены вынікам. Была вельмі шчыльная барацьба, але ў гонцы наша машына адчувае яшчэ лепш. Пры выбары гумы мы рабілі стаўку на гонку, так што я зьдзіўлены, што мы былі такія хуткія ў кваліфікацыі”.