McLaren не стаў зацягваць з рашэньнем пытаньня адносна складу пілотаў на наступны сезон. Сёньня было абвешчана, што партнёрам Фернанда Алёнса стане малады брытанец Люіс Гамільтан (Lewis Hamilton).

У інтэрв’ю нямецкаму выданню Bild Кімі Райканен заявіў, што не ставіць перад сабою мэтай пабіць рэкорды Шумахера. У той жа час фін спадзявацца на дапамогу Міхаэля, каб хутчэй асвоіцца ў новай камандзе.

Ярна Трулі (пілот Toyota): “Хто б не выступаў за Ferrari, у наступным сезоне ў іх будзе вялікая перавага. Ferrari зноўку будзе ў лідэрах. Думаю, на гэта не паўплывае сыход Міхаэля Шумахера і Роса Браўна. Нават Феліпэ Маса змог выйграць на наяўнай машыне”.

На наступным тыдні Эддзі Ірвайн і Дэвід Култхард, устрояць тыднёвае ток-шоў “THE RACE”, якое будзе транслявацца на брытанскім тэлеканале Sky One. Каманду знакамітасьцяў мужчынскага полу ўзначаліць Ірвайн, дамамі зоймецца Култхард.