Кімі Райканен “Першая гонка адкажа на пытанні” (інтэрв`ю)

08.02.2007 // Autosport

Карэспандэнт часопіса Autosport сустрэўся з Кімі Райканенам пасля чарговых
тэстаў у Херасе.

Пытанне: Якой будзе расстаноўка сіл у Мельбурне?
Кімі Райканен: Пакуль не ведаю, думаю на тэстах у Бахрэйне нешта высвятліцца.

Пытанне: На зімовых тэстах Ferrari не выглядае хуткай, у
чым прычына?

Кімі Райканен: Цяжка сказаць, галоўнае, каб машына была хуткая ў гонцы.

Пытанне: А новая машына McLaren, насупраць, вельмі
хуткая…
Кімі Райканен: Я не ведаю ў чым прычына, але кожны з нас працуе па
уласным плане, давайце пачакаем.

Пытанне: Вы шчаслівыя ў Ferrari?
Кімі Райканен: Вельмі шчаслівы, усё добра, я з нецярпеннем чакаю пачаткі
чэмпіянату.

Пытанне: Як прайшлі тэсты ў Херасе?

Кімі Райканен: У апошні дзень паўсталі праблемы, у астатнім усё ідзе па
плану.

Пытанне: Ужо адаптаваліся да новай машыны?
Кімі Райканен: Сёе-тое яшчэ трэба зрабіць. На тэстах не шанцуе з надвор`ем,
калі яно наладзіцца давядзецца праехаць вялікую дыстанцыю.

Пытанне: Як складваюцца адносіны з Фэліпэ?
Кімі Райканен: Усё добра, Фэліпэ - выдатны хлопец, мы шмат часу праводзім разам.

Пытанне: З нагоды надзейнасці не хвалюецеся? Перш вам
не заўсёды шчасціла…

Кімі Райканен: Не, не хвалююся. Машына ўдасканальваецца, нам трэба будзе
выпрабаваць яшчэ некалькі навінак, але да пачатку сезону ўсё павінна прыйсці ў норму.

Пытанне: Праблемы з маторам вас не здзівілі?
Кімі Райканен: Не, часам і такое здараецца. Мы ведаем, з чым звязана адмова
- дробязная паломка, нічога сур`ёзнага.

Пытанне: Як вам новая гума Bridgestone?
Кімі Райканен: Мы ўвесь час тэстуем розныя склады і спатрэбіцца час,
каб да іх абвыкнуць. Праца ідзе, але з кожным днём становіцца лягчэй.

Пытанне: Гэтая гума падыходзіць да вашага стылю?

Кімі Райканен: Не, яшчэ трэба папрацаваць з наладамі машыны, каб усё
працавала належным чынам.

Пытанне: Валенсія і Херас - дзве розныя трасы, як вяла
сябе машына?
Кімі Райканен: Усё добра, у Херасе машына выглядала лепш. Валенсія - гэта
наогул асаблівае месца, багацце павольных паваротаў мяняе ўмовы пры наладзе
машыны.

Пытанне: Якая была ваша задача ў Херасе?
Кімі Райканен: Разабрацца з гумай і праехаць максімальную дыстанцыю.

Пытанне: Вы задаволеныя?

Кімі Райканен: Ёсць асобныя вобласці, у якіх трэба дадаць. Мы
працуем над гэтым.

Пытанне: Сітуацыя ў цэлым адпавядае вашым чаканням?
Кімі Райканен: Так.

Пытанне: Але вы згодны з тым, што McLaren выглядае
мацней?
Кімі Райканен: Па выніках тэстаў цяжка рабіць высновы, давайце ўсё ж
дачакаемся першай гонкі сезону, яна адкажа на шматлікія пытанні. Засталося не так
шмат часу.

Пытанне: Вы сочыце за іх вынікамі?

Кімі Райканен: Не больш, чым за любой іншай камандай.

Пытанне: У чым розніца паміж McLaren і Ferrari?
Кімі Райканен: Яна ёсць, але я не бачу сэнсу аб гэтым гаварыць, усё
роўна нічога не зменіцца. Я шчаслівы.

8.2.2007   ▪ lodar