Рос Браўн можа замяніць Рона Дэніса

Нямецкае выданьне Sport Bild пусьціла чутку, што пасьля  перапынку ў адзін год Рос Браўн не вернецца ў Ferrari, а зойме месца Рона Дэніса ў McLaren.

Вядома, што Дэніс нядаўна прадаў частку акцыі McLaren арабам, таму існуе меркаваньне: Рон намераны ўкласьці свае грошы ў іншую каманду Формулы 1, а McLaren прадаць Mercedes.

У сваю чаргу, уладальнік каманды Prodrive, што дэбютуе ў F1 у наступным сезоне, Дэвід Рычардс ніколі не хаваў планаў скарыстаць для сваёй каманды  пакупныя шасі і матор, якія ён намераваецца купляць менавіта ў McLaren. Ну а зараз стала вядома і аб тым, што Рычардс зьбіраецца стаць уладальнікам кампаніі Aston Martin, якую выставіў на продаж Ford.

Па меркаваньні Sport Bild (і некаторых іншых назіральнікаў) кола замкнулася: яшчэ да канца гэтага году варта чакаць заявы аб пакупцы Ронам Дэнісам 80% акцый каманды Prodrive і яго сыходу з McLaren; ну а руліць камандай Mercedes стане Рос Браўн.

21.2.2007   ▪ McLaren, Mercedes, спонсары, чуткі, Prodrive   ▪ lodar