Райканен прадказвае жахлівую гонку ў Манака

Новы рэгламент на шыны верагодна прывядзе да цяжкага выпрабаваньня для пілотаў на вуліцах Monte Carlo, дзе адбудзецца Гран Пры пазьней гэтым сезонам.

Гэта меркаваньне фіна Кімі Райканена. Нагадаю, што зараз пілоты падчас гонкі павінны праехаць на двух розных спецыфікацыях шын Bridgestone (мяккіх і цвёрдых).

“Гонка Манака будзе жахлівай,” кажа 27-мі гадовы пілот Ferrari, “таму што відаць цвёрдая гума не мае там дастатковага счапленьня.”

Падобныя правілы былі прыняты, каб павялічыць відовішчнасьць гонак, пасьля абвяшчэньня шыннай манаполіі і сыходу Michelin.

“Але ж правілы аднолькавыя для ўсіх,” працягвае фін. “На некаторых трасах будзе цяжэй з другімі спецыфікацыямі шын, але ж нічога не паробіш.”

“Гэта ні колькі не дадае ціску на мяне, я проста кірую.”

8.3.2007   ▪ Bridgestone, Raikkonen   ▪ lodar