Spyker: Шашкі нагала!

Spyker зьвярнуліся ў арбітраж з пратэстам супраць Super Aguri і Toro Rosso. Абедзьве каманды атрымаюць позвы ў суд на днях. Spyker настойвае на тым, каб выключыць Super Aguri і Toro Rosso з заліку Кубка Канструктараў на той падставе, што яны выкарыстоўваюць шасі, спраектаваныя і вырабленыя іншымі, што супярэчыць Дамове Згоды.

Як вядома, Super Aguri выкарыстоўвае леташняе шасі Honda RA106, а Toro Rosso – мадыфікаванае Red Bull RB3. Аднак абедзьве каманды ўпэўненыя, што іх шасі задавальняе ўсім патрабаваньням рэгламенту.

“У нас ёсьць Кубак Канструктараў. Паўтараю: Кубак Канструктараў!” – гаворыць бос Spyker Колін Колес. “У Дамове Згоды запісана – вы павінны самі канструяваць сваё шасі. Менавіта таму вы лічыцеся канструктарам.”

Паглядзім, як будуць разгортвацца падзеі…

22.3.2007   ▪ Spyker, Toro Rosso   ▪ lodar