Шыны з белай канаўкай ад Bridgestone

Ідэя маркіраваць больш мяккія шыны невялікім белым кружком правалілася. У Мельбурне гледачы не змаглі адрозьніць два тыпы гумы. На тэстах у Сепанге Bridgestone рэалізуе ідэю фарбаваць адну з канавак шыны ў белы колер, яе можна заўважыць, нават калі машына хутка рухаецца па трасе, але, калі глядзець з боку, гэта адметнасьць губляецца. Хутчэй за ўсё на Гран Пры Малайзіі і Бахрэйна шынны манапаліст спыніцца на гэтай задуме. Невядома, што будзе потым, бо на эўрапейскія Гран Пры Bridgestone паставіць новыя шыны, прамаркіраваныя ў заводзкіх умовах. Можа ў Формуле 1 ўсё ж такі зьявяцца чырвоныя шыны?..

29.3.2007   ▪ Bridgestone   ▪ lodar