Toro Rosso: найлепшая абарона — наступ

Саўладальнік каманды Scuderia Toro Rosso Герхард Бергер даў адкрытае інтэрв’ю аўстрыйскаму выданьню Der Standart. Па меркаваньні Бергера, ініцыяваны Колесам судовы разгляд – не што іншае, як спроба Spyker узбагаціцца за рахунак STR. Не аб якіх спартовых прынцыпах гаворка ў дадзеным выпадку не ідзе, упэўнены аўстрыец.

Як лічыць Бергер, Колес паклаў вока на грошы ад TV-трансляцый, якія каманда Spyker можа атрымаць у выпадку выключэньня Scuderia Toro Rosso з заліку Чэмпіянату сьвету. «Гэта выключна камерцыйная цікавасьць», – сьцвярджае Бергер.

Як лічыць саўладальнік Scuderia Toro Rosso, у Коліна Колеса практычна няма шанцаў на посьпех. «Наогул, уся гэтая гісторыя з судовым пазовам пакуль больш нагадвае звычайныя плёткі. Мы дагэтуль не атрымалі ніякага афіцыйнага апавяшчэньня, – распавядае Бергер. – FIA з’яўляецца органам, які праверыць адпаведнасьць машын рэгламенту. Колес не згодзен з пунктам погляду FIA і таму зьвярнуўся ў суд. Наогул, шматлікія баліды ў Формуле 1 маюць аднолькавыя дэталі. Паглядзіце на нашы аўтамабілі – яны падобныя на McLaren, паколькі Эдрыан Ньюі раней працаваў у McLaren».

«Ды і наогул, суд можа зацягнуцца на некалькі гадоў», – лічыць аўстрыец, намякаючы на тое, што выпатрабаваць грошы за 2007 з каманды ў такім разе наўрадці атрымаецца.

Паводле formulamag.com (пераклад).

3.4.2007   ▪ Spyker, Toro Rosso   ▪ lodar