McLaren vs. Mercedes. Бітва за гімн

Нямецкая прэса не задаволена, што пасьля перамогі пілота McLaren-Mercedes Фернанда Алёнса прагучаў ангельскі гімн ‘God Save The Queen‘, а не нямецкі ‘Lied der Deutschen‘.

Нямецкаму аўтаканцэрну DaimlerChrysler належыць 40 % акцыяў McLaren, у той час як арабы і Рон Дэніс з таварышам маюць па 30 %. У сувязі з гэтым машына лічыцца чыста нямецкай. Але база каманды месьціцца на «туманным Альбіёне», таму гледачы і пачулі ‘Божа, барані Каралеву‘.

Рон Дэніс кажа, што каманда шматнацыянальная і ўвогуле для яго няма розьніцы, які гімн слухаць, абы пілот McLaren-Mercedes быў на першай прыступцы п’едэсталу.

11.4.2007   ▪ Dennis, McLaren, Mercedes   ▪ lodar