Пачалася гонка за Роса Браўна

Былы тэхнічны дырэктар Ferrari карыстаецца вялікім попытам з боку каманд Формулы-1. Рос Браўн узяў год водпуску пасьля сыходу Міхаэля Шумахера, якому брытанец дапамог заваяваць 5 чэмпіёнскіх тытулаў, але вяртацца да чырвоных пакуль не сьпяшаецца…

Першай у гонку за 52-х гадовага спецыяліста ўключылася Honda. Справы ў японцаў зараз ідуць поста жахліва, іх новая машына плотна засела ў сярэдзіне пэлетона і не дазваляе змагацца за пойнты. Honda будзе рада ўбачыць у сваіх шэрагах легендарнага брытанца.

McLaren-Mercedes таксама зацікаўлены ў паслугах Роса Браўна і можа прапанаваць яму шмат праектаў, не толькі ў Формуле-1.

Цяперашні бос Ferrari Жан Тодт настоўвае на тым, што італьянская каманда павінна быць першай у выбары Браўна, калі той захоча вярнуцца на пітлэйн.

Жан Тодт: “Рос Браўн павінен прыйсьці найперш да нас, каб разам абмеркаваць яго будучыню. Можа ён і не захоча вяртацца ў гонкі. Можа ён хоча ўдзельнічаць у іншых спаборніцтвах, але ж мы можам абмеркаваць гэта.”

12.4.2007   ▪ Brawn, Ferrari, Honda, McLaren   ▪ lodar