Нік Хайдфельд хоча застацца ў BMW

У Ніка Хайдфельда сёлета сканчваецца кантракт з BMW Sauber. Гэты факт нарадзіў шмат чутак аб пераходзе немца ў іншую каманду, але сам Нік хоча застацца ў BMW і прадліць кантракт як мага хутчэй…

Нік Хайдфельд: “Я не хачу чакаць занадта доўга, чым раней вырашыцца пытаньне з кантрактам, тым лепш. Хачу адразу заявіць — мне падабаецца ў BMW Sauber, за апошнія паўтары гады мы дабіліся сур’ёзнага прагрэсу, і я хацеў бы працягнуць працу з гэтай камандай. Наша мэта — выйграць тытул, мне гэтая ідэя падабаецца, хоць зразумела — гаворка ідзе аб доўгатэрміновай перспектыве, павінен прайсьці нейкі час”.

Малады тэст-пілот BMW Себасцьян Фетэль, калі кантракт з Нікам усё ж такі будзе працягнуты, можа на наступны сезон перайсьці ў Toro Rosso. Хаця Герхард Бергер (саўладальнік Toro Rosso) гэту ідэю пакуль не прымае.

Герхард Бергер: “Гэтага не адбудзецца. Мы не возьмем да сябе гоншчыка на адзін сезон, каб потым вярнуць яго былой камандзе”.

Не будзем забываць, што ў 2008 годзе ў Формуле 1 зьявіцца новая каманда Prodrive, а гэта яшчэ два вакантныя месцы для пілотаў.

12.4.2007   ▪ BMW, Heidfeld, Vettel   ▪ lodar