Гамільтан пазмагаецца за тытул?

Пасьля трох гонак у заліку Кубка драйвэраў адразу тры лідэры: Алёнса, Райканен і Люіс Гамільтан… Стабільнае выступленьне маладога англічаніна зьдзівіла назіральнікаў і прымусіць McLaren пераглядзець пытаньне аб першым нумары ў камандзе. У дэбютных дзьвюх гонках Гамільтан толькі і рабіў што дапамагаў Алёнса ў яго крыжовым паходзе да чарговага чэмпіёнскага тытулу, але ў Бахрэйне Люіс даказаў, што і сам ужо гатовы быць першым у камандзе, і McLaren павінна адмовіцца ад тактыкі на карысьць Алёнса.

Падбіраецца да лідэраў і Феліпэ Маса. Перамогай у Бахрэйне ён рэабілітаваўся перад скудэрыяй Ферары за імпульсыўнасьць у Малайзіі і скараціў сваё адставаньне ў чэмпіянаце да пяці пойнтаў.

PS. Да Гран Пры Гішпаніі застаецца чатыры тыдні, пасярэдзіне гэтага тэрміну будуць тэсты.

17.4.2007   ▪ Hamilton   ▪ lodar