Пэдра дэ ля Роса і Гэры Пафет — будучыя пілоты Prodrive?

Уладальнік новай каманды Формулы 1 Prodrive Дэвід Рычардс не скрывае, што хоча карыстацца пакупнымі шасі і маторам, і лепшым партнэрам для гэтых мэтаў лічыць McLaren-Mercedes. Верагодна, калі з імі атрымаецца дамовіцца, то ў нагрузку Рычардсу дадуць і тэст-пілотаў McLaren Пэдра дэ ля Росу і Гэры Пафета. Сам заснавальнік каманды Prodrive сказаў, што з драйвэрскім складам асаблівых нечаканасьцяў чакаць не трэба: першы пілот будзе вопытным, другі — маладым.

Гэры Пафету (1981 года нараджэньня) не знайшлося месца ў асноўным балідзе McLaren з-за прыходу таленавітага Люіса Гамільтана. Зараз Пафет ганяе ў DTM і разьлічвае дэбютаваць у Формуле 1 ужо праз год. Пэдра дэ ля Роса (1971 г.н.) ў 2006 годзе доволі дастойна замяніў звольненага дэбашыра Мантою, але на 2007-мы застаўся ў тэстэрах. B-камандзе McLaren досьвед гішпанца будзе вельмі карысным.

21.4.2007   ▪ de la Rosa, чуткі, Paffett, Prodrive   ▪ lodar