Міхаэль Шумахер: “Маё жыцьцё зьмянілася да лепшага”

У мінулы ўік-энд Міхаэль Шумахер прыняў удзел у сьвяточным мерапрыемстве, прысьвечаным 60-м угодкам супрацоўніцтва Ferrari і Shell. На гэты раз шоў адбылося ў польскай Познані, немец прыляцеў на сваім самалёце, каб прыняць удзел у прэс-канферэнцыі і пракаціць VIP-госьцяў на дарожнай Ferrari…

Міхаэль Шумахер: “Маё жыцьцё зьмянілася да лепшага, я па-ранейшаму ўдзельнічаю ў справах каманды, уважліва сачу за Гран Пры, але значна больш часу праводжу са сваёй сям’ёй, з сябрамі. Мае дзеці ведаюць, што ў вакацыі і па сьвятах тата будзе дома, а гэта сапраўды важна. Трохі нязвыкла назіраць гонкі па ТБ, але заўсёды цікава зірнуць на знаёмы сьвет з іншага боку. Мне не трэба нічога аналізаваць, рабіць высновы, я проста атрымоўваю задавальненьне. Хто выйграе ў гэтым сезоне? Не важна, галоўнае каб перамога дасталася Ferrari”.

Зразумела польскія журналісты пацікавіліся меркаваньнем Міхаэля адносна свайго земляка Роберта Кубіцы, дэбют якога летась шмат каго уразіў, але сёлета паўсталі праблемы…

Міхаэль Шумахер: “Шматлікія маладыя гоншчыкі добра выглядаюць ў дэбюце, але я ня ведаю, можа быць характарыстыкі сучасных машыны дазваляюць хутчэй асвоіцца ў Формуле 1, можа яны сапраўды таленавітыя. На гэтае пытаньне мы ніколі не зможам адказаць са 100% дакладнасьцю, давайце пачакаем, час усё расставіць па месцах”.

23.4.2007   ▪ Schumacher   ▪ lodar