Мантоя прызнаны самым прыкрым пілотам Формулы 1, а з Алёнса хочуць выпіць піва

Чытачы італьянскай газеты La Gazzetta dello Sport прызналі калумбійца Хуана-Пабла Мантою самым прыкрым пілотам Формулы 1…

За гоншчыка выказалася 30% аўдыторыі. На другім месцы – Міхаэль Шумахер (22%), на трэцім – Фернанда Алёнса (20%). Жак Вільнёў заняў чацьвёртае месца ў рэйтынгу самых непапулярных пілотаў з 10 адсоткамі, Ален Прост – шостае (7%).

З пяці пілотаў толькі Фернанда Алёнса застаецца ў Формуле 1. Калі гішпанца засмучаць вынікі гэтага апытаньня, ён можа глынуць піўка з землякамі, бо згодна іншаму апытаньню Фернанда знаходзіцца на трэцім месцы ў сьпісе людзей, зь якімі жыхары Гішпаніі хацелі б выпіць піва. Алёнса набраў 5.9 % і саступае толькі прэм’ер міністру Жозэ Люісу Радрыгісу  Запатэро (11.8%) і актрысе Пенелопе Круз (6%).

27.4.2007   ▪ Alonso, Montoya, Schumacher   ▪ lodar