Алёнса: Райканен не мае права на памылку

Пілот Ферары Кімі Райканен не паказаў добрага выніку ў другім Гран Пры запар. У Гішпаніі фіна падвяла электроніка машыны F2007, а ў Монако Кімі памыліўся падчас кваліфікацыі і вымушаны быў стартаваць з 16 пазыцыі. Пасьля 5 этапаў на яго рахунку толькі адна перамога і толькі 23 пойнты, у той час як у лідэра заліку пілотаў Фернанда Алёнса 38 пойнтаў (на 15 больш, чым у фіна).

Аднак Алёнса верыць, што Райканен у стане пазмагацца зь ім за тытул, але папярэджвае, што памылак рабіць ужо нельга.

Алёнса: “Прайграючы 15 пойнтаў, ён уваходзіць у зону рызыкі. Наступная памылка выкіне яго з барацьбы за чэмпіёнства.”

Гішпанец таксама адзначыў, што плянуе ў наступных 5 гонках зарабіць яшчэ 38 пойнтаў, каб пасьля 10 этапаў мець 76 пойнтаў.

28.5.2007   ▪ Alonso, Raikkonen   ▪ lodar