Валенсія атрымала права на правядзеньне Гран Пры

Мэр Валенсіі Рыта Барбера падпісала з Берні Эклстоўнам кантракт на правядзеньне новага Гран Пры Формулы 1. Пачынаючы ад 2008 года ў раскладзе этапаў зьявіцца яшчэ адна гарадзкая траса, якая задумана ўвайсьці ў адзін шэраг з легендарным Монтэ-Карло.

Кантракт падпісаны на сем сезонаў. Такім чынам, у Гішпаніі будзе праводзіцца два этапы: у Барсэлоне і Валенсіі.

Намер уладаў Валенсіі ўкласьці ў арганізацыю кожнай гонкі каля 26 мільёнаў эўра тлумачыцца папулярнасьцю Формулы 1 у Гішпаніі, узрослай пасьля таго, як гішпанец Фернанда Алёнса стаў двухразовым чэмпіёнам сьвету.

1.6.2007   ▪ Ecclestone, FIA   ▪ lodar