Алёнса лічыць, што McLaren робіць стаўку на Гамільтана?

Фернанда Алёнса: “Мне з самага пачатку было не зусім камфортна ў McLaren. Зараз я выступаю за брытанскую каманду і мой партнёр па камандзе — брытанец. Ён выдатна спраўляецца са сваёй працай і атрымоўвае адпаведную падтрымку, я зразумеў гэта з самага пачатку. Але я не скарджуся. Я выйграў дзьве гонкі з шасьці, чатыры разы фінішаваў на подыўме і зарабіў сорак пойнтаў, якія дапамогуць увосень змагацца за тытул.”

“Я не звяртаю ўвагі на брытанскую прэсу, мы можам толькі гадаць, што пісалі бы тыя ж журналісты ў тых жа газетах, калі б машына бясьпекі ў Манрэалі выехала не на 24-м, а на 23-м коле і ў Люіса скончылася паліва. Іспанская прэса значна паважлівей ставіцца да гоншчыкаў. Я спакойны, усё добра. Хочацца вярнуцца на вяршыню і ў McLaren у мяне значна больш шанцаў, чым у сучаснай Renault або Honda. Я — другі ў чэмпіянаце, саступаю лідэру толькі восем пойнтаў і ведаю, што ўсё вырашыцца ў Бразіліі, а не зараз, у шостай гонцы сезону”

12.6.2007   ▪ Alonso, Hamilton, McLaren   ▪ lodar