Season Log: Барацьба за тытул. Гонка за гонкай

Аўстралія

Кімі бярэ поўл і з лёгкасьцю зарабляе першыя 10 пойнтаў за новую каманду. Дамінаваньне Ферары здаеццы бясспрэчным, як і будучы тытул Райканена. Макларэн Алёнсы фінішуе другім. Замыкнуўшы п’едэстал, навічок Люіс Гамільтан зьдзіўляе вельмі моцным стартам.
Пойнты: Райканен 10, Алёнса 8, Гамільтан 6

Малайзія
McLaren адказвае дублем. Алёнса зноў апярэджвае Гамільтана, Райканен толькі трэці. Алёнса захапіў лідэрства ў Чэмпіянаце.
Пойнты: Алёнса 18, Райканен 16, Гамільтан 14

Бахрэйн
Феліпэ Маса фінішуе першым, апярэдзіўшы Гамільтана і Райканена. Такім чынам, бразілец заяўляе аб сваіх прэтэнзіях на карону, у той час як у Кімі назіраюцца праблемы з адаптацыяй да F2007. Алёнса з-за памылкі на старце толькі пяты.
Пойнты: Алёнса 22, Райканен 22, Гамільтан 22

Гішпанія
Маса зноў на вяршыні. Гамільтан (другі) абстаўляе сваго тытулаванага напарніка па камандзе Алёнса (трэці). Райканен сыходзіць з-за праблем з электронікай.
Пойнты: Гамільтан 30, Алёнса 28, Райканен 22

Монако
На вулачках Монтэ-Карло Ferrari не можа трымацца ў тэмпе McLaren. Алёнса аказваецца наперадзе Гамільтана (не без дапамогі каманды). Райканен дапускае памылку ў кваліфікацыі і разьбівае свой балід. У гонцы ён толькі восьмы. Фін зноў губляе магчымыя пойнты.
Пойнты: Алёнса 38, Гамільтан 38, Райканен 23

Канада
У сумбурнай гонцы Гамільтан ўпершыню выйграе Гран Пры. Райканен і Алёнса фінішуюць на пятай і сёмай пазыцыях суадносна. Малады англічанін Люіс вырываецца наперад у чэмпіянаце.
Пойнты: Гамільтан 48, Алёнса 40, Райканен 27

Злучаныя Штаты
Чарговы поўл і перамога Гамільтана павялічваюць аго адрыў ад супернікаў у Чэмпіянаце. Алёнса — другі. Райканен толькі чацьверты, нягледзячы на найхутчэйшае кола ў гонцы. Гоначны тэмп фіна выклікае аптымізм, але ў чэмпіёнскія амбіцыі Райканена ўжо ніхто не верыць.
Пойнты: Гамільтан 58, Алёнса 48, Райканен 32

Францыя
Ферары пасьля правалу за акіянам робіць упэўнены кам-бэк, зарабіўшы дубль. Райканен перамагае ў гонцы. Фінішаваўшы трэцім, Гамільтан павялічвае адрыў ад Алёнса.
Пойнты: Гамільтан 64, Алёнса 50, Райканен 42

Вялікая Брытанія
Тут зноў дамінуе Кімі Райканен. Алёнса абстаўляе Гамільтана (другое і трэцяе месцы за McLaren). Ферары Масы дае збой на старце.
Пойнты: Гамільтан 70, Алёнса 58, Райканен 52

Эўропа
Першая дажджавая гонка. Алёнса нечакана перамагае, абагнаўшы Масу. Райканен сутыкаецца з гідраўлічнымі праблемамі на балідзе. Гамільтан ламае свой Mclaren у кваліфікацыі і правальна праводзіць гонку пад дажджом.
Пойнты: Гамільтан 70, Алёнса 68, Райканен 52

Вугоршчына
Пасьля вядомых падзеяў з маніпуляцыямі каманды McLaren падчас кваліфікацыі, Алёнса быў зрушаны рашэньнем FIA на пятую стартавую пазыцыю. Гамільнан перамагае; Райканен — другі; Алёнса — чацьверты.
Пойнты: Гамільтан 80, Алёнса 73, Райканен 60

Турцыя
Зноў дубль Ферары, толькі на гэты раз першым фінішуе Маса, апярэдзіўшы Кімі. Алёнса — трэці. У Гамільтана ўзрываецца пакрышка перад другім піт-стопам, і ён прапускае наперад Алёнса і Хайдфельда. У выніку англічанін толькі пяты.
Пойнты: Гамільтан 84, Алёнса 79, Райканен 68

Італія
Алёнса перамагае і ўсур’ёз падбіраецца да Гамільтана (той другі). Кімі таксама на подыўме. Дубль Макларэн наносіць Ферары цяжкі ўдар на яе ж радзіме.
Пойнты: Гамільтан 92, Алёнса 89, Райканен 74

Бельгія
Райканен бліскуча перамагае ў Спа. Разам з Масай фін здабывае для Ферары чарговы дубль. Алёнса — трэці, а Гамільтан — чацьверты. Паміж пілотамі Макларэн зараз толькі два пойнты.
Пойнты: Гамільтан 97, Алёнса 95, Райканен 84

Японія
Гамільтан перамагае ў хаатычнай гонцы пры цяжкім надвор’і. Алёнса разьбівае свой балід. З-за непаразуменьня з FIA італьянская каманда памыляецца з выбарам шын. Райканен і Маса адпраўляюцца на дадатковы піт-стоп, каб паставіць правільныя пакрышкі. Выніковая трэцяя пазыцыя Райканена амаль не пакідае яму шанцаў на чэмпіёнства. Фіну трэба адыгрываць 17 (!) пойнтаў за дзьве гонкі.
Пойнты: Гамільтан 107, Алёнса 95, Райканен 90

Кітай
Гамільтан недацягвае да піт-стопа на сьцёртых прамежкавых шынах. Райканен і Алёнса карыстаюцца гэтым і падбіраюцца да лідэра.
Пойнты: Гамільтан 107, Алёнса 103, Райканен 100

Бразілія
Усё склалася ідэальна для Кімі Райканена. McLaren Гамільтана дае збой, і англічанін здольны фінішаваць толькі на сёмай пазыцыі. Алёнса скончыў гонку трэцім. Райканен перамагае.
Пойнты: Райканен 110, Гамільтан 109, Алёнса 109

28.10.2007   ▪ Alonso, Hamilton, Raikkonen   ▪ lodar