Люіс Гамільтан мяняе ПМЖ

Пілот кананды Mclaren Люіс Гамільтан вырашыў зьмяніць месца жыхарства. Па словах брытанца, ён стаміўся ад таго, што яго ўсе пазнаюць у Лёндане, а гнюсныя папарацы не даюць зрабіць і кроку.

Для пераезду была выбрана кватэра ў Жэневе. Што і не дзіўна: сваімі нізкімі падаткамі Швейцарыя заўсёды цягам цягла да сябе славутых асобаў. Не выключэньне і пілоты Формулы 1. Да прыкладу там ужо жывуць такія зоркі як Міхаэль Шумахер, Кімі Райканен, Фернанда Алёнса…

Люіс Гамільтан: “Я пераязджаю ў зусім невядомую мне краіну, але гэта вельмі цікава. Рашэньне было вельмі цяжкім. [...] У мяне не так шмат вольнага часу, я не магу праводзіць час з роднымі і сябрамі, таму што заўсёды ў разьездах, але, прыязджаючы дамоў, я адчуваю сябе няўтульна. Я не магу схадзіць у кіно, а на запраўках выстрайвецца чарга з ахвотных узяць у мяне аўтограф.”

30.10.2007   ▪ Hamilton   ▪ lodar