Нікі Лаўда пра сезон 2007

Трохразовы чэмпіён Формулы 1 Нікі Лаўда (Niki Lauda) падзяліўся з сайтам f1.com сваімі меркаваньнямі наконт сезону 2007.

Q: Ці была каманда Ferrari найлепшай у пелетоне?
Нікі Лаўда (NL): Ferrari выйграла Кубак Канструктараў і Кубак пілотаў. Гэта кажа само за сябе, значыць адказ — ‘так’!

Q: Ці заслугоўвае Кімі Райканен тытула Чэмпіёна?
NL: Кімі перамог у шасьці Гран Пры ў гэтым годзе. Ён правёў ідэальны сезон, не дапускаючы памылак, і трымаўся спакойна! Ён паўнапраўны Чэмпіён.

Q: Казалася, у McLaren шмат шанцаў, але потым нешта пайшло ня так…
NL: McLaren аштрафавалі за так званы ‘шпіёнскі скандал’, які пазбавіў іх пойнтаў у Кубку Канструктараў. Да ўсяго, Люіс Гамільтан і Фернанда Алёнса не зрабілі сваю работу настолькі ідэальна як Райканен, таму яны і прайгралі Кубак пілотаў. Вельмі падобна на выпадак самаедства.

Q: Што можаце сказаць пра Люіса Гамільтана?
NL: Ён атрымліваў асалоду ад сенсацыйнага старта ў Формуле 1. Ён змагаўся за Тытул да апошняй гонкі. Навічок ішоў да чэмпіёнства! Гісторыя занадта добрая, каб быць праўдай! Нават стаўшы віцэ-чэмпіёнам, ён дасягнуў больш чым многія іншыя. Яго час яшчэ настане. Ён зрабіў гэта відавочным сваім выступленьнем.

Q: А што ня так было з Алёнса?
NL: У Фернанда была даволі нэрвовая сітуацыя з камандай і пад канец сезону ён дапусьціў памылку. Псіхалагічны ціск і памылка ў Fuji прывялі да пройгрышу чэмпіяната.

Q: Трохкутнік ‘Алёнса, Гамільтан і Рон Дэніс’ быў вельмі складаным. Дзе па-вашаму была жудасная памылка і што адбудзецца ў 2008?
NL: Узаемаадносіны паміж Ронам і Фернанда яўна не былі найлепшымі. Што насамрэч адбылося паміж гэтымі дваімі мы відаць даведаемся ў будучыні, але зараз можна толькі гадаць! Ці існуюць падставы для працягу ў 2008, я не ведаю. Але абоіх можа аб’яднаць не абавязкова сімпатыя, але і прага да перамогі.

Q: Наконт перамог - якія яшчэ варыянты ёсьць у Алёнса, акрамя McLaren?
NL: Ну, перш за ўсё ён павінен урэгуляваць узаемаадносіны з Ронам, незалежна ад таго ці ён сыходзіць, ці застаецца, таму што яму неабходны дазвол McLaren для перахода ў іншую каманду. Але давайце начыстату: Фернанда хоча перамагаць, але акрамя Ferrari, McLaren і хутчэй за ўсё BMW я не бачу кандыдатаў на перамогу ў 2008 годзе.

Q: Ці лічаце вы, што было прынята правільнае судовае рашэньне па ‘шпіёнскім скандале’?
NL: Формула 1 падпарадкоўваецца правілам FIA. Калі прыймаецца рашэньне наказаць такую каманду як McLaren, усе павінны паважаць яго.

Q: Як вы думаеце, якая з каманд дасягнула найбольшага прагрэсу ў гэтым сезоне?
NL: Відавочна гэта BMW. І Red Bull палепшыўся нашмат. Так што давайце пачакаем і паглядзім ва што гэта выльецца ў 2008.

Q: А што наконт пілоту?
NL: 100 % — Люіс Гамільтан. Хлопчык напісаў гісторыю!

Q: Найбольшае расчараваньне сезону?
NL: Алёнса і яго палітыка.

31.10.2007   ▪ No Tags   ▪ lodar