Эддзі Джордан супраць кліенцкіх машын

Фундатар каманды Jordan Эддзі Джордан мяркуе, што праблема кліенцкіх шасі можа стаць пагібельнай для Формулы 1, і дазваляць іх выкарыстаньне ні ў якім разе нельга.

У 2008 годзе плянаваўся дэбют каманды Prodrive. Дэвід Рычардс, яе ўладальнік, разьлічваў на выкарыстаньне шасі McLaren…

Аднак гэтая задума пакуль пад пытаньнем, паколькі новая Дамова Згоды, дзе будуць дазволеныя кліенцкія шасі, яшчэ не падпісаная, а ў міжнародным апеляцыйным судзе FIA з падачы каманды Williams будзе разглядацца пытаньне аб законнасьці ўдзелу Prodrive у будучым чэмпіянаце.

Эддзі Джордан, каманда якога на працягу 14 гадоў ганялася на машынах уласнай пабудовы, настойвае, што сама ідэя выкарыстаньня кліенцкіх шасі супярэчыць духу Формулы 1. Па яго глыбокім перакананьні, каманды могуць дапушчацца на старт толькі калі яны самі з’яўляюцца канструктарамі.

Эддзі Джордан: “У 1991 годзе Jordan мог проста набыць тэхналогіі Lotus, але радасьць перамог са сваёй уласнай машынай не параўнальная не з чым. Як можна выходзіць на старт, ведаючы, што табе не дазволена спаборнічаць з камандай, у якой ты купіў шасі? Ніколі нельга дазваляць камандам прадаваць свае тэхналогіі, бо гэта дазволіць пачаткоўцам тут жа станавіцца часткай эліты. Гэта будзе ўжо не Формула 1.”

2.11.2007   ▪ Jordan   ▪ lodar