Рон Дэніс: “Мантоя — дурань”

Бос McLaren Рон Дэніс у інтэрв’ю калумбійскай El Tiempo паспрабаваў абвергнуць меркаваньне натоўпу аб тым, што яго каманда зьяўляецца самай непрыязнай у дачыненьні да ўласных гоншчыкаў.

“Я не думаю, што ў нас больш праблем з гоншчыкамі, чым у іншых каманд. Насамрэч, дрэнна адносіны завяршыліся толькі адзін раз — з Фернанда. Але ўсё скончана, і нічога не паробіш, так што мы думаем цалкам аб сезоне 2008 года”, - заявіў Дэніс.

Што датычыцца Хуана Пабла Мантоі, містэр Дэніс змог сказаць прыкладна наступнае: “Мы зь ім дамовіліся не крытыкаваць адзін аднаго. Аднак, я лічу, што было дурным сыйсці з Формулы 1 з-за аднаго інцыдэнту ў гонцы. Ён добры пілот і добры чалавек. Але я магу зразумець яго, паколькі яго становішча ў камандзе было складаным, і станавілася ўсё горш, асабліва пры ўзаемадзеяньні з тэхнічнай групай”.

via berni.ru

3.12.2007   ▪ Dennis, Montoya   ▪ lodar