Ferrari прэзентавала F2008

У нядзелю, 6 студзеня, Ferrari першай з каманд Формулы 1 паказала журналістам свой новы балід. Мадэль F2008 стала эвалюцыяй мінулагодняй F2007. Па меркаваньні супрацоўнікаў каманды, ім удалося выправіць усе недахопы старой мадэлі, якая была недастаткова надзейная і не зусім пасавала стылю пілатаваньня чэмпіёна Формулы 1 Кімі Райканена. Новая F2008 стала вялікім крокам наперад у параўнаньні з мінулай машынай, спадзяюцца ў Ferrari.

На трасе F2008 зьявіцца ў панядзелак падчас тэстаў у Фіёрано. А пакуль можна палюбавацца на здымкі, якія прадаставіла журналістам каманда Ferrari.

6.1.2008   ▪ Ferrari   ▪ lodar