Гран Пры Гішпаніі. Чарговы дубль Ferrari!

Дамінаваньне італьянскай каманды працягваецца. Пачатак эўрапейскага сезону застаўся за Ferrari, і, судзячы па ўсім, шанцы канкурэнтаў (McLaren і BMW) з кожнай гонкай памяншаюцца.

Кімі Райканен ўпэўнена ўзяў поўл, і нішто не замінула фіну перамагчы ў першым эўрапейскім Гран Пры. Яго напарнік Маса стаў у нядзелю другім, аформіўшы для Ferrari ўжо другі ў гэтым сезоне дубль!

BMW і McLaren пакуль ня могуць навязаць барацьбу Ferrari. Люіс Гамільтан і Роберт Кубіца фінішавалі трэцім і чацьвертым суадносна. Запомнілася таксама жудасная аварыя Хэйкі Кавалайнена. На балідзе фіна нечакана ўзарвалася шына, і пілот McLaren на вялікай хуткасьці ўрэзаўся ў агароджу бясьпекі. Дзякуй Богу, усё абыйшлося. Да наступнай гонкі Хэйкі будзе ў норме.

Нечакана парадавала хуткасьцю каманда Renault. У суботу Фернанда Алёнса амаль не захапіў поўл і гішпанцу на роднай трасе прыйшлося задаволіцца другой стартавай пазыцыяй. Але гэтага аказалася недастаткова для посьпеху — падчас гонкі на балідзе Фернанда згарэў рухавік. Цікава будзе паглядзець на далейшы прагрэс каманды.

28.4.2008   ▪ Grand Prix   ▪ lodar