Гран Пры Францыі. Перамога Масы і няўдача Райканена

Феліпэ Масса прызнаўся, што нават і не спадзяваўся перамагчы

Пасьля ўдалых гастроляў у Канадзе Вялікі цырк ізноў вярнуўся ў Эўропу.

Аўтадром ля французскай глубінкі Магні-Кур заўсёды пасаваў камандзе Ferrari.  Менавіта тут у 2007 годзе пачаў сваё ўпэўненае шэсьце да чэмпіёнскага тытулу Кімі Райканен. Сёлета Ferrari таксама была на голаву мацней канкурэнтаў. Хаця можна сказаць, што яны самі нэйтралізаваліся: пілоты McLaren зарабілі штрафы, а каманда BMW прывезла не вельмі ўдалае абнаўленьне аэрадынамікі.

Такім чынам, Кімі Райканен заваяваў поўл і чакаў лёгкай перамогі ў гонцы Усё да гэтага і йшло: Кімі ехаў хутчэй за Массу і адарваўся ад яго амаль на 7 сэкунд да першага піт-стоп, пасьпеўшы паказаць найхутчэйшы час на коле (ужо пяты раз запар у гэтым сезоне!). Але на 40 коле фін нечакана пачаў губляць хуткасьць - адбылася паломка ў сыстэме выхлапа, якая пачала рассыпацца. Чым і скарыстаўся Феліпэ Масса.

Бразілец нагнаў скалечаны балід Райканена і захаваў першую пазіцыю да фінішу, стаўшы новым лідэрам чэмпіянату. Фін са згубіўшым моцнасьць рухавіком здолеў фінішаваць другім, здабыўшы для Ferrari дубль. На трэцяй прыступцы п’едысталу аказаўся Ярно Трулі на Toyota. Ярно і японская каманда ў гэтым сэзоне нечакана радуюць аматараў сваёй хуткасьцю.

Балід BMW дазволіў Роберту Кубіцы фінішаваць толькі на пятай пазыцыі, і паляк згубіў лідэрства ў чэмпіянаце.

26.6.2008   ▪ Massa, Raikkonen   ▪ lodar