Гран-пры Малайзіі. BrownGP ізноў наверсе, але пад сьвінцовымі хмарамі

Ужо напачатку гонкі над стадыёнам Сепанг віселі чорныя сьвінцовая хмары. Падчас прагрэвачнага круга па радыё пілёт BMW Sauber Робэрт Кубіца перадаў у боксы інфармацыю пра тое, што мае праблемы з работай рухавіка. Перад пачаткам было ўражаньне, што ўсё пройдзе па тым жа сцэнары, што было й ў Аўстраліі. Але старт брытанцу не ўдаўся. Росбэрг спачатку выйграў тры пазыцыі, а пасьля неўзабаве і зусім стаў першым.

Лепшым жа на старце быў гішпанец Фэрнанда Алёнса, які на першым жа павароце абыйшоў чатырох суперннікаў. На першым жа крузе Хэйкі Кавалайнен, што стартаваў 14-ым, выехаў за межы трасы. Вярнуцца ў гонку ён ужо ня змог. А на другім крузе зышоў паляк Робэрт Кубіца з-за тых жа праблемаў з маторам. У пачатку гонкі адразу ж прыцягнула да сябе ў вагу барацьба Себаст’яна Фэтэля й Ніка Хайдфэльда за сьпінай фіна Кімі Райканена за дзявятую пазыцыю. Па сутнасьці, аформіўся цікавы “цягнічок Алёнса” з гоншчыкаў, што займалі 7-10 месцы. Фэрнанда ня надта добра ехаў: ці то з-за мэханічных праблемаў, ці то з-за праблемаў з кіраваньнем. На восьмым крузе Нік дапусьціў памылку пры тармажэньні ў адным з паваротаў, чым скарысталіся Себ Фэтэль і Льюіс Гамільтан. Але ўсе абыйшлося і немец вярнуўся на трасу. На дзясятым крузе Росбэрг, Трульлі й Баттан узначальвалі гонку. Разрывы паміж імі былі ня вельмі вялікімі - усе тры пілёты ехалі ў чатырох сэкундах. Чацьвёртым ехаў Рубэнс Барыкела. Адставалі ад яго на 15-16 сэкундаў Фэрнанда Алёнса і Кімі Райканен. Кімі усё-ткі к канцу дзясятага круга здолеў абагнаць Фэрнанда й выйсьці на пятую пазыцыю. Тут жа гоншчык Рэно адчуў на сабе прэсынг Марка Ўэбэра і Ціма Глока. Пасьля сэрыі прыгожых абгонаў на шостае месца выйшаў Марк. Такім чынам, у гэты час асноўная барацьба праходзіла за 5-6 пазыцыі. Наверсе ж было без пераменаў.

Прыкладна на 13 крузе Сэбаст’ян Фэтэль, што пасьля кваліфікацыі меў найменш паліва ў баках, заехаў у боксы. У гэты ж час Росбэрг і Трульлі пачалі адзін за адным штампаваць лепшыя кругі. Літаральна на 16-17 крузе пачалі зьяўляцца навіны што праз 10 мінут пачнецца дождж. Тут жа Фэрары вырашыла згуляць на апераджэньне: на піт-стопе Кімі Райканен паставілі дажджавыя пакрышкі. А дажджу ўсё не было. Бальшыня ж пілётаў паставіла на машыны прамежкавыя шыны. На працягу некалькіх кругоў фін выглядзеў недарэчна. Нават быў момант, калі Кімі Райканен на асобных сэктрах губляў па 6 сэкундаў. Але на 22-ім крузе пачаўся дождж. І стала зразумела, што за тыя 4-5 кргуоў па адносна сухім пакрыцьці Райканен так зьезьдзіў шыны, што толку было мала.

Тут жа пачалася захапляючая барацьба Ўэбэра й Гамільтана за 4 месца. Пасьля сэрыі ўзаемных абгонаў Ўэбэр выходзіць наперад, але адразу ж вылятае. Чым карыстаецца Нік Хайдфэльд. Але на праз паўтара круга Марк абыходзіць Ніка і выходзіць на 5 месца. Між тым Райканен едзе ўжо на 14 месцы. На 26 крузе пачаўся сапраўдны лівень. І тут пачалося!.. Хто ў боксы, хто на абгоны… Усе пачалі ставіць дажджавую рэзіну. На 27-ым крузе Джэнсан Баттан абганяе Росбэрга, але Ніка адразу ж заязджае ў боксы. Тым часам на другое месца выходзіць Рубенс Барыкела, за ім Ціма Глок і Яріна Трульлі. На 29-ым крузе дождж трохі паменшыўся й ўсе пачалі ставіць пакрышкі мэдыўм на колы, і толькі Ціма Глок ды Філіп Масса надзелі дажджавую гуму. І адразу ж пайшоў вялікі дождж, нават былі маланкі - сапраўдны шторм. Зьяўляюцца жоўтыя сьцягі з-за вылету Сэба фэттэля. На 31 крузе выязджае з боксаў сэйфэты кар і гонка адразу становіцца статычнай. Ужо пасьля зьяўленьня сэйфэты кара некаторыя гоншчыкі працягвалі вылятаць з трасы. А праз некалькі хвілін і навогул зьяўляюцца чырвоныя сьцягі і гонка зусім спыняецца. Пілёты атрымалі толькі палову поінтаў, бо яны не праехалі 75% гонкі.

Вынікі гонкі:

1. Jenson Button/Brawn-Mercedes / 31 / Winner
2. Nick Heidfeld / BMW Sauber / 31 / +22.7 secs
3. Timo Glock / Toyota / 31 / +23.5 secs
4. Jarno Trulli / Toyota / 31 / +46.1 secs
5. Rubens Barrichello / Brawn-Mercedes / 31 / +47.3 secs
6. Mark Webber / RBR-Renault / 31 / +52.3 secs
7. Lewis Hamilton / McLaren-Mercedes / 31 / +60.7 secs
8. Nico Rosberg / Williams-Toyota / 31 / +71.5 secs
9. Felipe Massa / Ferrari / 31 / +76.9 secs
10. Sebastien Bourdais / STR-Ferrari / 31
11. Fernando Alonso / Renault / 31
12. Kazuki Nakajima / Williams-Toyota / 31
13. Nelsinho Piquet / Renault / 31
14. Kimi Räikkönen / Ferrari / 31
15. Sebastian Vettel / RBR-Renault / 30 +1 Lap
16. Sebastien Buemi / STR-Ferrari / 30 +1 Lap
17. Adrian Sutil / Force India-Mercedes / 30 +1 Lap
18. Giancarlo Fisichella / Force India-Mercedes / 29 +2 Laps
Ret. Robert Kubica / BMW Sauber / 1 +30 Laps
Ret. Heikki Kovalainen / McLaren-Mercedes / 0 +31 Laps

12.4.2009   ▪ Grand Prix   ▪ Denkral