Джэнсан Баттан: “Вар’яцкая гонка!”

Пераможца гран-пры Малайзіі Джэнсан Батан прызнаў, што ў гэты раз гонка на аўтадроме Сепанг выдалася проста вар’яцкай.

“Што за вар’яцкая гонка, - распавёў брытанец. - Мой старт быў даволі дрэнным. Я не думаю, што досыць прагрэў гуму, і мяне моцна занасіла. Але я вярнуўся на чацьвёртае месца, падняўся да трэцяга, і, у канчатковым рахунку, ізноў апынуўся наперадзе. І я быў вельмі задаволены гэтым, наша хуткасьць была вельмі добрай”.

“Выбар гумы быў вельмі складаным, таму што звычайна, калі ўжо тут ідзе дождж, то гэта лівень, - адзначыў Баттан. - Але ў гэты раз усё пачыналася ня так. Мы выехалі на дажджавой гуме, і яна літаральна развалілася, а затым я ўбачыў, як Ціма Глёк імчыцца ззаду нас на прамежкавых шынах, так што мы таксама іх паставілі. Як толькі ён наблізіўся, я ўбачыў, што яго шыны сталі лысымі, а дождж пайшоў з новай сілай, так што ў яго былі цяжкасьці, і ён змушаны быў заехаць на піт-стоп. Я ж праехаў адзін круг на прамежкавых шынах з добрай хуткасьцю, і мне атрымалася заехаць у боксы, паставіць дажджавую гуму і вярнуцца на трасу наперадзе ўсіх”.

12.4.2009   ▪ Brown, Button, interview   ▪ Denkral