Рос Браўн: “Кіраўнікі Honda вельмі расчараваныя тым, што змушаныя былі пакінуць Формулу-1″

Па словах уладальніка каманды Brawn GP Роса Браўна, кіраўнікі Honda вельмі расчараваныя тым, што змушаныя былі пакінуць Формулу-1 менавіта тады, калі іх стайня знаходзілася на парозе перамог у гран-пры.

“Я упэўнены, яны былі вельмі засмучаныя тым, што былі змушаныя сысьці“, - цытуе Браўна навінавае агенцтва Bloomberg.

“Я меў зносіны са шматлікімі важнымі людзьмі ў Honda, і яны засмучаныя, таму што відавочна, што каманда прасунулася наперад, але такое было патрабаваньне іх бізнэсу“, - адзначыў Браўн.

Між  тым у розных сродках масавай інфармацыі працягвае мусіравацца слых аб тым, што Honda прадала Росу Браўну сваю каманду Формулы-1 за сімвалічны поплатак у адзін фунт.

У самім аўтаканцэрне пакуль адмаўляюцца расчыніць фінансавыя аспэкты дадзенай угоды, хоць і пацьвярджаюць, што ня беглі за коштам.

“З моманту нашага сыходу, нашым галоўным прыярытэтам быў продаж каманды на ўмовах працягу яе дзейнасьці ў Формуле-1, - распавялі ў Honda. - Кошт не быў праблемай“.

“Мы не маглі прадаць каманду партнёрам, якія імкнуліся яе расфармаваць і паступова спрадаць яе актывы, - адзначылі ў японскай кампаніі. - Нам таксама было неабходна абараніць працоўныя месцы сотняў людзей, і мы думаем, што гэтая ўгода стала добрым вынікам“.

12.4.2009   ▪ interview, чуткі   ▪ Denkral