Гран пры Кітаю. Камэнтары некаторых пілётаў

Сэбаст’ян Фетэль: «Гэта неверагодна! На працягу дзесяці кругоў да фінішу я спрабаваў кантраляваць дыстанцыю паміж мной і наступным балідам. Я рабіў усё, што мог, але было вельмі цяжка. Часам мне прыходзілася ўтрымліваць машыну на трасе, у выніку чаго я губляў канцэнтрацыю, потым я проста праходзіў паварот за паваротам і не бачыў таго, што дзеецца наперадзе. На апошніх двух кругах я скінуў хуткасьць, таму што не жадаў пазбавіцца перамогі з-за акваплянаваньня. А потым… гэта проста фантастыка! Хачу падзякаваць усім супрацоўнікам за іх высілкі. Віншую Аўстрыю з гэтай перамогай!».Марк Уэбер: «Гэта неверагодны дзень для каманды, вы нават не ўяўляеце, што зрабілі нашы хлопцы ўчора ўвечар. Мы хваляваліся, што нашы машыны не фінішуюць у гонцы, таму што ўчора ў нас было шмат праблем. Але мы змаглі дабрацца да фінішу і заваявалі максымальна магчымую колькасьць ачкоў. Гэты посьпех прыйшоў да нас пасьля расчараваньняў у Аўстраліі і ў Малайзіі. Гэта значны дзень для нашай каманды, віншую ўсіх нашых супрацоўнікаў».

Феліпэ Маса: «Вядома, я расчараваны і засмучаны, але нягледзячы на гэта я не згубіў сваёй матывацыі. Мы павінны працаваць не пакладваючы рук, каб выйсьці з гэтай цяжкай сытуацыі. Уся наша каманда імкнецца да гэтага. Нам трэба як мага хутчэй распрацаваць новыя аэрадынамічныя элемэнты, але ў той жа час мы павінны вырашыць нашы праблемы з надзейнасьцю, таму што перш чым дужацца за перамогі, нам трэба даязджаць да фінішу. Сёння ў мяне быў выдатны шанец падужацца за подыўм. Я быў на трэцяй пазіцыі, і практычна не адставаў ад лідэраў нягледзячы на вялікую колькасьць паліва ў баках майго баліда. Машына нядрэнна слухалася рулячы за выключэньнем таго моманту, калі мы ехалі ззаду машыны бяспекі. Тады нечакана зьнікала счапленьне з трасай. Потым раптам перастала працаваць педаль газу і машына спынілася. Жадаў бы папытаць нашых заўзятараў не расчароўвацца ў нас у гэты цяжкі момант».

Кімі Райканэн: «На першых кругах усё было не так ужо і дрэнна, але потым пасля піт-стопа шыны страцілі счапленьне з трасай, і я ўжо не мог падтрымліваць высокую хуткасьць, паколькі машыну стала занасіла. Як мне здалося, рухавік некалькі разоў губляў магутнасьць, асабліва, калі я набліжаўся да іншых машын, але потым гэтая праблема зьнікла. Наша становішча ў чэмпіянаце вельмі цяжкае. Мы дапусьцілі памылкі і былі нядосыць хуткія. У Барсэлёне, калі мы атрымаем новую аэрадынаміку, праблемы з недахопам счапленьня павінны зьнікнуць. Я упэўнены, што мы зможам падняць узровень сваёй канкурэнтаздольнасьці, і зможам падужацца за перамогі, але ўзнаўленьне зойме вызначаны час. Каманда не губляе матывацыі, і кожны з нас занясе сваё ўкладаньне ў яе разьвіцьцё. Крытыкаваць лёгка, але мы ведаем, як можна ўсё змяніць».

Хейкі Кавалайнэн: «Бачнасьць была неверагодна нізкай, асабліва, на працягу першых некалькіх кругоў пасьля старту за машынай бясьпекі. Але сёньня мы набралі добрую хуткасьць, і на апошніх кругах я ўшчыльную падабраўся да Рубенса, праўда, не настолькі, каб пайсьці на абгон. Наша стратэгія апынулася выйгрышнай: мы бы не змаглі фінішаваць вышэй пятага мейсца, і я вельмі рады таму, што мне атрымалася запрацаваць чатыры поінты. Сёння я не дапусьціў ніводнай памылкі нягледзячы на вельмі цяжкія ўмовы».

Люіс Гамільтан: «Сёньня я памыліўся некалькі разоў. Траса была вельмі слізкай, мая левая шына цалкам знасілася перад фінішам, але я не здаваўся. Дзень быў вельмі цяжкім».

Нік Хайдфэльд: «Вядома, я расчараваны вынікам гэтай гонкі, але ў той жа час я павінен падзякаваць лёсу за тое, што мне навогул атрымалася дабрацца да фінішу. Бачнасьць была нулявая. У пачатку, калі ўсё рухаліся за машынай бяспекі, ціск у маіх шынах быў занізкім, таму ў мяне паўстала маса цяжкасьцяў. На 13-м крузе ў мяне заехаў Ціма Глёк, у выніку балід атрымаў пашкоджаньні. На заканчэньне гонкі ў мяне зьявіўся шанец выйграць адно або нават два ачка, але на трасе было шмат аскепкаў, у тым ліку і кола ад баліда Адрыяна Суціла, які ўрэзаўся ў адбойнік. Я паспрабаваў аб’ехаць гэтыя аскепкі, але раптам машыну занесла. Пасля гэтага паводзіны баліда зьмяніліся, і я страціў чатыры месцы».

Робэрт Кубіца: «Гонка была вельмі небясьпечнай. Бачнасць была вельмі нізкай. Вельмі часта я навогул нічога не бачыў. Гэтыя фактары прычыніліся да майго сутыкненьня зь ЯрнаТрульлі. Калі Ярна пачаткаў тармазіць перад паваротам, я праехаў па лужыне. Я з усіх сіл стукнуў па тормазах, але машына не спынялася. Пасьля ўдару мой балід узьняўся ў паветра. Да шчасьця, ніхто не папакутаваў у гэтым інцыдэнце. На піт-стопе нам прыйшлося другі раз зьмяняць пярэдняе антыкрыла на маёй машыне, таму што я адчуў даволі моцную вібрацыю і страту счапленьня. У выніку мая гонка была разбураная».

Фэрнанда Алёнса: «Несуцяшальны канчатак уік-энду, у якім мы паказалі вялікі патэнцыял. Каманда выдатна папрацавала над паляпшэньнем баліда, які быў вельмі канкурэнтаздольным, асабліва, учора, калі мы занялі другое мейсца на стартавай рашотцы. Але сёньня нам не пашанцавала, і я думаю, што гэта адзін з тых дзён, калі вы прымаеце рашэньне не ў той момант, і ўсё паварочваецца супраць вас. Мы думалі, што машына бяспекі будзе на трасе яшчэ 10 або 15 кругоў, таму каманда прыняла рашэньне дазаправіць мой балід.  І як раз у гэты момант пейс-кар сышоў з трасы, такім чынам, мы пачалі гонку на апошняй пазіцыі. Мы былі на першым шэрагу стартавага поля, і раптам сталі апошнімі. У гэты момант для нас усё скончылася. У Бахрэйне нас чакае яшчэ адна вялікая праверка, потым будзе гонка ў Барсэлёне, спадзяюся, мы будзем прагрэсаваць крок за крокам».

Нэльсан Піке: «Умовы сёньня былі вельмі складанымі, бачнасць была практычна нулявы. Некалькі разоў мяне заносіла, але я ўсё-ткі змог вярнуцца на трасу, хоць і прайграў шмат часу і прапусьціў некалькі балідаў наперад. Увогуле, уік-энд атрымаўся несуцяшальным, і зараз я з нецярпеньнем чакаю Гран Пры Бахрэйну. Спадзяюся, тамака дажджу ня будзе, і каманда падрыхтуе новыя элемэнты для баліда».

Ярна Трульлі: «Дзень быў няўдалым. Умовы былі вельмі цяжкімі, на трасе было шмат вады. Я нядрэнна стартаваў за машынай бяспекі, і на першых кругах я трымаў добрую хуткасьць. Але потым узровень счапленьня стаў паступова зьніжацца, я пачаткаў губляць хуткасьць, і ў выніку страціў свая перавагу. На 17 крузе я адчуў моцны ўдар ззаду, пасля якога страціў задняе антыкрыла. Я вярнуўся ў боксы, але мы ўжо не змаглі працягнуць гонку. І усё-ткі мой учорашні тэмп паказаў, што мы можам дужацца за першыя мейсцы, і зараз мы павінны спадзявацца на ўдалую гонку ў Бахрэйне».

Ціма Глёк: «Стартаваўшы з піт-лэйна, мы змаглі заваяваць некалькі ачкоў, так што мы задаволеныя гэтым вынікам. Гонка была вельмі складанай, асабліва, у пачатку. Я быў вельмі зьдзіўлены, калі этап усё-ткі стартаваў. Ззаду пэлятону ў такіх умовах нічога не відаць, я ехаў усляпую. Я змог адыграць некалькі пазіцый, але пашкодзіў пярэдняе антыкрыла, калі зачын машыну Хайдфэльда. Я не мог нічога разглядзець, у выніку не разлічыў момант пачатку тармажэньня і ўрэзаўся ў заднюю частку яго баліда».

23.4.2009   ▪ Grand Prix, interview, News   ▪ Denkral