Кімі Райканен перайшоў у ралі

Кімі Райканен падпісаў кантракт з камандай Citroen Junior Team, якая выступае ў сусьветным чэмпіянаце па ралі - WRC. З 2010 году чэмпіён Формулы 1 будзе ганяць на ралійным аўто Citroen C4 WRC. Аб гэтым паведамляе новы беларускі сайт аб ралійных гонках WRC - WRCBY.com.

У наступным сезоне фін праедзе 12 з 13 этапаў WRC – усе гонкі, акрамя этапу ў Новай Зеландыі. Партнёрам Кімі па Citroen Junior Team стане Себасцье Ож’е. З якім штурманам будзе выступаць Райканен у наступным сезоне – пакуль не ўдакладняецца. У сваёй першай гонцы чэмпіянату сьвету – Ралі Фінляндыі, які прайшоў у ліпені, ён выступаў з Каем Ліндстрамам. Праўда ў той гонцы фінскі экіпаж не даехаў да фінішу, выляцеўшы з трасы на апошнім суботнім допе. Да гэтай аварыі фінскі пілот займаў трэцяе месца ў заліку групы N.

Кімі Райканен: “Я вельмі хацеў правесьці ў ралі нейкі этап сваёй кар’еры, дзякуючы Red Bull у мяне з’явілася магчымасьць сесьці на руль найлепшай машыны – Citroen C4. Гэта новы, захапляльны выклік. Пакуль мы падпісалі толькі аднагадовы кантракт, паглядзім, як усё складзецца. Я з нецярпеньнем чакаю тэстаў і старту першай гонкі”.

Паводле: WRC-Беларусь - за навінамі ралі і посьпехамі Кімі Райканена сачыце там.

4.12.2009   ▪ Raikkonen, WRC   ▪ lodar