F1BY.com

Бывай, Super Aguri…

lodar — Tue, 06 May 2008 09:31:52 +0000

Гран Пры Гішпаніі. Чарговы дубль Ferrari!

lodar — Mon, 28 Apr 2008 10:03:58 +0000

Дамінаваньне італьянскай каманды працягваецца. Пачатак эўрапейскага сезону застаўся за Ferrari, і, судзячы па ўсім, шанцы канкурэнтаў (McLaren і BMW) з кожнай гонкай памяншаюцца.

Кімі Райканен ўпэўнена ўзяў поўл, і нішто не замінула фіну перамагчы ў першым эўрапейскім Гран Пры. Яго напарнік Маса стаў у нядзелю другім, аформіўшы для Ferrari ўжо другі ў гэтым сезоне дубль!

(more…)

Гран Пры Бахрэйна. Маса затыкае рот сваім крытыкам

lodar — Sun, 06 Apr 2008 14:38:39 +0000

Трэці этап Формулы 1, што прайшоў у Бахрэйне, пацьвердзіў дамінуючыя пазіцыі Ferrari.

Амаль увесь ўік-энд прайшоў пад сьцягамі італьянскай каманды. Толькі ў суботу па выніках кваліфікацыі поўл нечакана дастаўся паляку Роберту Кубіцы. Пілот BMW выдатна праехаў хуткае кола па трасе Сахіра і апярэдзіў сваіх больш тытулаваных супернікаў. Поўл для паляка і для BMW аказаўся першым у кар’еры і стаў добрай заяўкай на хуткую першую перамогу ў гонцы. Але цуда не здарылася. Паляк фінішаваў трэцім, але і гэты вынік — перамога для яго і яго каманды.

Феліпэ Маса, на якога (more…)

Гран Пры Малайзіі. Дамінуючая перамога Райканена!

lodar — Sun, 23 Mar 2008 10:06:07 +0000

Пераможцам чарговага этапу Формулы 1 стаў лідэр каманды Ferrari Кімі Райканен. Другім фінішаваў пілот BMW паляк Роберт Кубіца, а трыцім стаў яшчэ адзін фін — Хэйкі Кавалайнен.

Рэабілітацыя каманды Фэрары за правальны Гран Пры Аўстраліі не прымусіла сябе чакаць. Ужо праз тыдзень, у Куала Лумпур, італьянская стайня разграміла сваіх супернікаў. У суботу Маса і Райканен заваявалі першы стартавы шэраг, а ў нядзелю разгром быў завершаны ўпэўненай перамогай фінскага гоншчыка. Маса дапусціў памылку ў запалу пагоні за Кімі, страціў балід і завяз у жвіравой пастцы. Пілоты McLaren не змаглі скласці канкурэнцыю чырвоным машынам: Кавалайнен фінішаваў трэцім, Люіс убачыў клецісты сьцяг толькі пятым з-за праблем на першым піт-стопе.

Выніковая класіфікацыя Гран Пры Малайзіі: (more…)

Гран Пры Аўстраліі: Гамільтан выдатна пачынае сезон

lodar — Sun, 16 Mar 2008 10:15:51 +0000

Пілот McLaren-Mercedes Льюіс Гамільтан перамог у першым Гран Пры сезона Формулы 1. З чым яго і віншуем! Дзеючы чэмпіён Кімі Райканен, пацярпешы ад праблем на кваліфікацыі, у гонцы не паказаў сябе тру айсмэнам, нягледзячы на добрую хуткасьць і імкненьне да барацьбы. Надапускаў памылак і сышоў за 4 колы да фінішу з-за праблем з рухавіком.

Гран Пры Аўстраліі. Расклад трансляцыі на БТ

lodar — Wed, 12 Mar 2008 17:32:02 +0000

Нядзеля, 16 сакавіка

00:01 Формула-1. Гран Пры Аўстраліі. Кваліфікацыя. (у запісе)

06:25 Формула-1. Гран Пры Аўстраліі. Гонка. Прамая трансляцыя.

Набліжаецца вясна і Формула 1. Пачатак — 14 сакавіка!

lodar — Thu, 14 Feb 2008 09:28:18 +0000

Вось ужо на сёмай перадачы імчыць да нас вясна, а разам зь ёй і новы сезон Формулы 1.

2007 год стаў цяжкім для Вялікіх гонак. Быў перажыты шпіёнскі скандал, а таксама сваркі McLaren са сваім пілотам. Але ўсё гэта — ў мінулым. Наперадзе новы цікавы сезон і 18 Гран Пры.

У рэгламенце значных зьмяненьняў няма, акрамя адмены трэкшн кантролю (traction control) і ўвядзеньня аднолькавага для ўсіх ECU (more…)

Відэа: Першыя тэсты F2008

lodar — Mon, 07 Jan 2008 20:37:00 +0000

Ferrari правяла першыя тэсты новай мадэлі F2008. Адбыліся яны на трасе італьянскай каманды ў Фіёрано на наступны дзень пасьля афіцыйнай прэзентацыі. Кіраваў балідам мінулагодні чэмпіён Формулы 1 Кімі Райканен. Фінам было пераадолена 55 колаў. Лепшы час склаў 1:00,897.

McLaren паказала новы MP4-23

lodar — Mon, 07 Jan 2008 14:34:15 +0000

У наступны дзень пасьля прэзентацыі F2008, каманда Vodafone McLaren Mercedes паказала свой новы балід MP4-23. Спецыяльные пампезнае мерапрыемстве ў музеі Mercedes-Benz у Штутгарце выпадкова супала з 23-годдзем лідэра McLaren Люіса Гамільтана. Падарунак спадабаўся маладому брытанцу.

Люіс Гамільтан: “Vodafone McLaren Mercedes MP4-23 — найкруцейшы падарунак на дзень народзінаў, які толькі можна атрымаць!.. Я пратэстую яе ўпершыню ў аўторак. Працы будзе шмат і для мяне, і для Хейкі, якога я вітаю ў камандзе.”

Рон Дэніс: “Сёньня ў Люіса народзіны. Яму 23 гады, гэта MP4-23, і нумар на балідзе у яго будзе 23-ці.”

Адразу пасьля прэзентацыі MP4-23 адправілася ў гішпанскі Херэс, дзе з 9 студзеня пачнуцца тэсты.

Ferrari прэзентавала F2008

lodar — Sun, 06 Jan 2008 15:39:18 +0000

У нядзелю, 6 студзеня, Ferrari першай з каманд Формулы 1 паказала журналістам свой новы балід. Мадэль F2008 стала эвалюцыяй мінулагодняй F2007. Па меркаваньні супрацоўнікаў каманды, ім удалося выправіць усе недахопы старой мадэлі, якая была недастаткова надзейная і не зусім пасавала стылю пілатаваньня чэмпіёна Формулы 1 Кімі Райканена. Новая F2008 стала вялікім крокам наперад у параўнаньні з мінулай машынай, спадзяюцца ў Ferrari.

На трасе F2008 зьявіцца ў панядзелак падчас тэстаў у Фіёрано. А пакуль можна палюбавацца на здымкі, якія прадаставіла журналістам каманда Ferrari.

Хэйкі Кавалайнен перайшоў у McLaren

lodar — Fri, 14 Dec 2007 18:36:10 +0000

Новым напарнікам Люіса Гамільтана ў McLaren стане фін Хэйкі Кавалайнен.

Сезон 2007 Кавалайнен правёў у Renault. Нягледзячы на цяжкасьці з адаптацыяй да баліда у першых Гран Пры, фін з лёгкасьцю абыграў свайго партнера па камандзе Джанкарла Фізікелу і заняў сёмае месца ва выніках сезону. Самай яркай гонкай 2007 году для Кавалайнена атрымалася гонка на трасе Фудзі, калі ў цяжкіх умовах ён здолеў фінішаваць на другім месцы.

Пасьля аб’яўленьня імёнаў баявых пілотаў Renault на 2008 год, стала зразумела, што Хэйкі прыйдзецца шукаць вольны балід у іншай камандзе. І кантракт з McLaren не заставіў сябе чакаць.

Ангельская каманда традыцыйна любіць фінскіх гоншчыкаў. Менавіта за McLaren ў апошнія гады пасьпяхова выступалі землякі Кавалайнена, чэмпіёны Формулы 1 Міка Хакінен і Кімі Райканен.

Як працягне гэту традыцыю Хэйкі і ці будзе ён здольны даць адпор Люісу Гамільтану ў барацьбе за лідэрства ў камандзе?

Renault 2008: Алёнса і Піке

lodar — Mon, 10 Dec 2007 14:53:12 +0000

Каманда Формулы 1 Renault афіцыйна аб’явіла імёны баявых пілотаў на сезон 2008. Імі прагназуема сталі Фернанда Алёнса, які сыйшоў з McLaren, і Нэльсан Піке малодшы, дэбютант вялікіх гонак.

Відэа: Агляд сезону Формулы 1 ад FIA

lodar — Sun, 09 Dec 2007 14:48:15 +0000

Да вашай увагі кліп-агляд сезону Формулы 1 2007 году паказаны на FIA Gala 2007, цырымоніі узнагароджаньня прызёраў чэмпіянату.

Рон Дэніс: “Мантоя — дурань”

lodar — Sun, 02 Dec 2007 22:46:32 +0000

Бос McLaren Рон Дэніс у інтэрв’ю калумбійскай El Tiempo паспрабаваў абвергнуць меркаваньне натоўпу аб тым, што яго каманда зьяўляецца самай непрыязнай у дачыненьні да ўласных гоншчыкаў.

“Я не думаю, што ў нас больш праблем з гоншчыкамі, чым у іншых каманд. Насамрэч, дрэнна адносіны завяршыліся толькі адзін раз — з Фернанда. Але ўсё скончана, і нічога не паробіш, так што мы думаем цалкам аб сезоне 2008 года”, - заявіў Дэніс.

Што датычыцца Хуана Пабла Мантоі, містэр Дэніс змог сказаць прыкладна наступнае: “Мы зь ім дамовіліся не крытыкаваць адзін аднаго. Аднак, я лічу, што было дурным сыйсці з Формулы 1 з-за аднаго інцыдэнту ў гонцы. Ён добры пілот і добры чалавек. Але я магу зразумець яго, паколькі яго становішча ў камандзе было складаным, і станавілася ўсё горш, асабліва пры ўзаемадзеяньні з тэхнічнай групай”.

via berni.ru

Залік пілотаў па старой сістэме налічэньня пойнтаў

lodar — Mon, 19 Nov 2007 08:39:01 +0000

пойнты / пілот / (розьніца ў пазіцыях)

93 RAI
87 HAM
85 ALO
72 MAS
33 HEI
18 KUB
12 KOV
9 FIS
7 WUR (+2)
7 COU
6 ROS (-2)
4 WEB
3 VET (+2)
2 BUT (-1)
1 LIU (+3)

Рос Браўн пераходзіць у Honda!

lodar — Mon, 12 Nov 2007 14:19:11 +0000

Былы тэхнічны дырэктар Ferrari, Рос Браўн, стане новым кіраўніком каманды Honda і прыступіць да працы ўжо 26-га лістапада. Асноўным абавязкам брытанца будзе распрацоўка баліда, а Нік Фрай зоймецца адміністрацыйнай работай.

Рос Браўн: “Я шчасьлівы аб’явіць аб падпісаньні кантракта з Honda. У гэтай каманды багатая гоначная спадчына і вялікі патэнцыял у Формуле 1. Я прыняў новы, фантастычны выклік, і зраблю ўсё, каб дапамагчы камандзе прыйсьці да посьпеху!”

У сваю чаргу, Ferrari таксама правяла шэраг ключавых кадравых прызначэньняў. І тут не абышлося без сюрпрызаў. Жан Тодт быў заменены Стэфано Дамэнікалі (Stefano Domenicali) на пасадзе кіраўніка каманды, а новым тэхнічным дырэктарам прызначаны Альдо Коста (Aldo Costa). Такім чынам, італьяцы занялі ўсе ключавыя пасады ў Ferrari. Аб будучым лёсе Жана Тодта пакуль не паведамляецца.

Williams 2008: Росберг і Накаджыма

lodar — Wed, 07 Nov 2007 08:48:38 +0000

Каманда Williams не стала адкладваць і назвала склад пілотаў на 2008 год. Адбылося без нечаканасьцяў: імі сталі Ніко Росберг і Казукі Накаджыма.

Такім чынам Williams паклала канец чуткам пра пераход Росберга ў McLaren.

Сезон 2008 года стане для Ніко, сына чэмпіёна-1982 Кеке Росберга, трэцім у Williams.

Малады японец Казукі Накаджыма правядзе першы поўны сезон у Формуле 1.

Міка Хакінен сыходзіць з DTM

lodar — Sun, 04 Nov 2007 10:48:05 +0000

Двухразовы чэмпіён Формулы 1 Міка Хакінен заявіў аб сваім сыходзе з гоначнай серыі DTM.

Міка Хакінен: “Надышоў час спыніць мае выступы ў DTM. Гэта дрэнная навіна. Добрая навіна — мае супернікі на трасе могуць супакоіцца.”

Відэа: Жыцьцё Райканена і Формула 1 у Фінляндыі

lodar — Sat, 03 Nov 2007 18:31:30 +0000

Ролік быў зьняты бразільскімі журналістамі і распавядае пра радзіму Райканена, яго жыцьцё і кар’еру…

Алёнса сыходзіць з McLaren!

lodar — Fri, 02 Nov 2007 13:04:23 +0000

Фернанда Алёнса і McLaren усё-такі скасавалі кантракт.

Падпісаўшы трохгадовы кантракт і далучыўшыся да ангельскай каманды ў гэтым сезоне, Алёнса спадзяваўся на статус першага пілота каманды, але фантастычны дэбют маладога Люіса Гамільтана задзеў амбіцыі двухразовага чэмпіёна. Адносіны Фернанда і боса McLaren Рона Дэніса, які прадвігаў Гамільтана, значна пагоршыліся, і апагеем крызісу стала разьбіральніцтва па справе ‘шпіёнскага скандала’, калі Алёнса практычна здаў McLaren. Сезон Фернанда Алёнса скончыў на трэцяй пазыцыі, саступіўшы сваіму напарніку па камандзе.

Кантракт быў датэрмінова ануляваны, прычым гішпанцу не трэба будзе выплочваць McLaren адпускныя. Эпапея скончылася… (more…)