Макс Мослі і супольнасьць каманд F1 (FOTA) нарэшце дамовіліся.

На фоне ўсіх адмоўных адзнак сваёй дзейнасьці Макс Мослі атрымаў падтрымку ў выглядзе Жана Тода(Ферары).
Жан Тод: ” Шмат хто ня любіць Макса Мослі й хацелі бы ягонай адстаўкі, але мае адносіны да яго зусім іншыя. Я разумею й паважаю Макса, ён робіць усё дзеля таго, каб гарантаваць будучыню чэмпіянату, і чым болей каманды будуць заклікаць прэзыдэнта FIA да адстаўкі, тым непахісьней ён будзе. Мослі дбае аб бясьпецы Гран Пры, а каманды вырашаюць палітычныя задачы”.

Макс Мослі адмяніў сустрэчу заплянаваную на пятніцу з асацыяцыяй пілотаў , аб чым паведаміў Дэвіду Кулхарду па факсе. Абгрунтаваўшы сваё рашэньне тым, што сустрэча павінна была адбыцца падчас ГП Вялікабрытаніі, а камэнтары гоншчыкаў маглі дрэна паўплываць на правядзеньне гонкі. І прапанаваў правесьці сустрэчу ў нэйтральным месцы ў іншы час.